8th Tamil Guide Unit 5 Book Back Answers

 8th Tamil Unit 5 Book Back Answers 

Additional Question & Answers 

TN Students Guide

8th Standard Tamil Samacheer kalvi Guide Full Term Guide. 8th Tamil Lesson 5 Full Answer key Book Back and additional question and answer.  

5.1. திருக்கேதாரம்

பண்ணின்தமிழ் இசைபாடலின் பழவெய்முழவு அதிரக்
கண்ணின்ஒளி கனகச்சுனை வயிரம்அவை சொரிய மண்நின்றன மதவேழங்கள் மணிவாரிக்கொண்டு எறியக் கிண் என்றுஇசை முரலும்திருக் கேதாரம்என் னீரே.

 - சுந்தரர்

சொல்லும் பொருளும்

• பண் – இசை
• கனகச்சுனை – பொன் வண்ண நீர்நிலை
• மதவேழங்கள் – மத யானைகள்
• முரலும் – முழங்கும்
• பழவெய் – முதிர்ந்த மூங்கில்

பாடலின் பொருள்

பண்ணோடு சேர்ந்த இனிய தமிழ்ப் பாடல்களைப் பாடும் போது அதற்கு ஏற்றவாறு முதிர்ந்த மூங்கில்களால் ஆகிய புல்லாங்குழலும் முழவும் இணைந்து ஒலிக்கும். கண்களுக்கு இனிய குளிர்ச்சி தரும் ஒளியை உடைய பொன்வண்ண நீர்நிலைகள் வைரங்களைப் போன்ற நீர்த்திவலைகளை வாரி இறைக்கும். நிலத்தின் மீது நின்று கொண்டிருக்கும் மதயானைகள் மணிகளை வாரி வாரி வீசும். இவற்றால் இடையறாது எழும் 'கிண்' என்னும் ஒலியானது இசையாக முழங்கும். இத்தகைய சிறப்புகள் உடைய நகரம் திருக்கேதாரம் ஆகும்.

நூல் வெளி

சுந்தரர், தேவாரம் பாடிய மூவருள் ஒருவர். இவர் நம்பியாரூரர், தம்பிரான் தோழர் என்னும் சிறப்புப் பெயர்களால் அழைக்கப்படுகிறார். இவர் அருளிய தேவாரப்பாடல்கள் பன்னிரு திருமுறைகளுள் ஏழாம் திருமுறையாக வைக்கப்படுள்ளன. இவர் இயற்றிய திருத்தொண்டத் தொகையை முதல் நூலாகக் கொண்டே சேக்கிழார் பெரியபுராணத்தைப் படைத்தளித்தார்.

திருஞானசம்பந்தர், திருநாவுக்கரசர், சுந்தரர் ஆகிய மூவர் பாடிய பாடல்களின் தொகுப்பே தேவாரம் ஆகும். இந்நூலைத் தொகுத்தவர் நம்பியாண்டார் நம்பி ஆவார். இந்நூலில் சுந்தரர் பாடியுள்ள கேதாரப்பதிகப்பாடல் ஒன்று இங்குத் தரப்பட்டுள்ளது.

தே + ஆரம் - இறைவனுக்குச் சூட்டப்படும் மாலை என்றும், தே + வாரம் - இனிய இசை பொருந்திய பாடல்கள் எனவும் பொருள் கொள்ளப்படும். பதிகம் என்பது பத்துப் பாடல்களைக் கொண்டது.

சரியான விடையைத் தேர்ந்தெடுத்து எழுதுக.

1. கொட்டிலிருந்து வந்த _____ கரும்பைத் தின்றன.

1. முகில்கள்
2. முழவுகள்
3. வேழங்கள்
4. வேய்கள்

விடை : வேழங்கள்

2. ‘கனகச்சுனை’ என்னும் சொல்லைப் பிரித்து எழுதக் கிடைப்பது _____.

1. கனகச் + சுனை
2. கனக + சுனை
3. கனகம் + சுனை
4. கனம் + சுனை

விடை : கனகம் + சுனை

3. முழவு + அதிர என்னும் சொல்லைப் சேர்த்து எழுதக் கிடைப்பது _____.

1. முழவுதிர
2. முழவுதிரை
3. முழவதிர
4. முழவுஅதிர

விடை : முழவதிர

குறு வினா

தமிழ் இசையோடு இணைந்து இசைக்கும் இசைக்கருவிகளாகச் சுந்தரர் கூறுவன யாவை?

• புல்லாங்குழல் மற்றும் முழுவு ஆகியவற்றைத் தமிழ் இசையோடு இணைந்து இசைக்கும் இசைக்கருவிகளாகச் சுந்தரர் கூறுகின்றார்

சிறு வினா

திருக்கேதாரத்தைச் சுந்தரர் எவ்வாறு வருணனை செய்கிறார்?

• பண்ணோடு சேர்ந்த இனிய தமிழ்ப் பாடல்களைப் பாடும் போது அதற்கு ஏற்றவாறு முதிர்ந்த மூங்கில்களால் ஆகிய புல்லாங்குழலும் முழவும் இணைந்து ஒலிக்கும்.
• கண்களுக்கு இனிய குளிர்ச்சி தரும் ஒளியை உடைய பொன்வண்ண நீர்நிலைகள் வைரங்களைப் போன்ற நீர்த்திவலைகளை வாரி இறைக்கும்.
• நிலத்தின் மீது நின்று கொண்டிருக்கும் மதயானைகள் மணிகளை வாரி வாரி வீசும். இவற்றால் இடையறாது எழும் ‘கிண்’ என்னும் ஒலியானது இசையாக முழங்கும்.
• இத்தகைய சிறப்புகள் உடைய நகரம் திருக்கேதாரம் என்று சுந்தரர் வருணனை செய்கிறார்.

திருக்கேதாரம் – கூடுதல் வினாக்கள்

I. கோடிட்ட இடத்தை நிரப்புக

1. நம்பியாரூரர், தம்பிரான் தோழர் என்னும் சிறப்புப் பெயர்களால் அழைக்கப்பட்டவர் _____________
விடை : சுந்தரர்
2. தேவாரத்தைத் தொகுத்தவர் _____________
விடை : நம்பியாண்டார் நம்பி
3. பன்னிரு திருமுறைகளுள் ஏழாம் திருமுறையை இயற்றியவர் _____________
விடை : சுந்தரர்
4. _____________ எனும் தலைப்பில் அமைந்த கவிதைப் பேழை பாடலை இயற்றியவர் சுந்தரர்
விடை : திருக்கேதாரம்
5. பதிகம் என்பது _____________ பாடல்களை கொண்டது
விடை : பத்து
6. _____________ பொன் வண்ண நிறமாக இருந்ததாகச் சுந்தரர் குறிப்பிடுகிறார்
விடை : நீர் நிலைகள்
7. _____________ வைரங்களைப் போல இருந்ததாகத் திருகேதாரம் குறிப்பிடுகிறது
விடை : நீர் திவலைகள்

II. சிறு வினா

1. தேவாரத்தை பாடியவர்கள் யார்?

• திருஞானசம்பந்தர்
• திருநாவுக்கரசர்
• சுந்தரர்

2. பதிகம் எத்தனை பாடல்களை கொண்டது?

• பதிகம் பத்து பாடல்களை கொண்டது

3. தேவாரம் பெயர்க்காரணம் கூறுக.

• தே + ஆரம் = இறைவனுக்கு சூடப்படும் மாலை
• தே + ஆரம் = இனிய இசை பொருந்திய பாடல்

4. கண்ணுக்குக் குளிர்ச்சி தருபவை என்று சுந்தரர் எவற்றைக் குறிப்பிடுகிறார்?

• பொன் வண்ண நீர்நிலைகள் கண்ணுக்குக் இனிய குளிர்ச்சி தருபவை என்று சுந்தரர் எவற்றைக் குறிப்பிடுகிறார் 

5. நீர் நிலைகள் மற்றும் நீர்த் திவலைகள் ஆகியவற்றிற்குக் கூறப்பட்ட உவமை யாது?

• நீர் நிலைகள் – பொன் வண்ணம்
• நீர் திவலைகள் – வைரம்

6. மத யானைகளின் செயல்களாக் சுந்தரர் குறிப்பிடுவன யாவை?

• நிலத்தின் மீது நின்று கொண்டிருக்கும் மத யானைகள் மணிகளை வாரி வாரி வீசும் என்று சுந்தரர் குறிப்பிடுகிறார்.

7. உயிர்கள் அனைத்தையும் இசைவிப்பது எது?

• உயிர்கள் அனைத்தையும் இசைவிப்பது இசை

8. இசைக் கருவிகளின் ஓசையோடு பாடல் இணையும் போது அது எவற்றிற்கு விருந்தாகிறது?

• இசைக் கருவிகளின் ஓசையோடு பாடல் இணையும் போது அது செவிக்கு மட்டுமன்றி, சிந்தைக்கும் விருந்தாகிறது

9. சுந்தரர் குறிப்பு வரைக

• சுந்தரர் தேவாரம் பாடிய மூவருள் ஒருவர்.
• நம்பியாரூரர், தம்பிரான் தோழர் என்னும் சிறப்பு பெயர்களால் அழைக்கப்படுகிறார்.
• இவர் அருளிய தேவாரப்பாடல்கள் பன்னிரு திருமுறைகளுள் ஏழாம் திருமுறையாக வைக்கப்பட்டுள்ளன.

கூடுதல் வினாக்கள்

சரியான விடையைத் தேர்ந்தெடுத்து எழுதுக.

1.‘நம்பியாரூரர், தம்பிரான் தோழர்’ என்னும் சிறப்புப் பெயர்களால் அழைக்கப்பட்டவர்

அ) சுந்தரர்
ஆ) திருநாவுக்கரசர்
இ) மாணிக்கவாசகர்
ஈ) திருஞானசம்பந்தரர்
Answer:
அ) சுந்தரர்

2.தேவாரத்தைத் தொகுத்தவர் ……………………

அ) நம்பியாண்டார் நம்பி
ஆ) திருநாவுக்கரசர்
இ) சுந்தரர்
ஈ) திருஞானசம்பந்தர்
Answer:
அ) நம்பியாண்டார் நம்பி

3.பன்னிரு திருமுறைகளுள் ஏழாம் திருமுறையை இயற்றியவர் ……………………..

அ) திருஞானசம்பந்தர்
ஆ) சுந்த ரர்
இ) சேக்கிழார்
ஈ) நம்பியாண்டார் நம்பி
Answer:
ஆ) சுந்தரர்

4.‘திருக்கேதாரம்’ எனும் தலைப்பில் அமைந்த கவிதைப் பேழை பாடலை இயற்றியவர்

அ) நம்பியாண்டார் நம்பி
ஆ) சேக்கிழார்
இ) சுந்தரர்
ஈ) திருநாவுக்கரசர்
Answer:
இ) சுந்தரர்

5.பதிகம் என்பது ……………………. பாடல்களைக் கொண்டது.

அ) ஆறு
ஆ) நூறு
இ) பத்து
ஈ) இருபது
Answer:
இ) பத்து

6.பொன் வண்ண நிறமாக இருந்தவையாகச் சுந்தரர் குறிப்பிடுவன …………………….

அ) நீர்த்திவலைகள்
ஆ) நீர்நிலைகள்
இ) மணல்
ஈ) புல்லாங்குழல்
Answer:
ஆ) நீர்நிலைகள்

7.வைரங்களைப் போல இருந்தவையாகத் திருக்கேதாரம் குறிப்பிடுவன …………………

அ) புல்லாங்குழல்
ஆ) முழவு
இ) நீர்த்திவலைகள்
ஈ) நீர்நிலைகள்
Answer:
இ) நீர்த்திவலைகள்

சிறுவினா

1.சுந்தரர் குறிப்பு வரைக.

• தேவாரம் பாடிய மூவரில் ஒருவர்.
• சிறப்பு பெயர் : நம்பியாரூரர், தம்பிரான் தோழர்.
• படைப்புகள் : பன்னிரு திருமுறைகளுள் ஏழாம் திருமுறை.

*************THE END OF 5.1*****************

5.2. பாடறிந்து ஒழுகுதல்

*ஆற்றுதல் என்பது ஒன்று அலந்தவர்க்கு உதவுதல் 

போற்றுதல் என்பது புணர்ந்தாரைப் பிரியாமை 

பண்பு எனப்படுவது பாடறிந்து ஒழுகுதல் 

அன்பு எனப்படுவது தன்கிளை செறாஅமை 

அறிவு எனப்படுவது பேதையார் சொல் நோன்றல் 

செறிவு எனப்படுவது கூறியது மறாஅமை 

நிறை எனப்படுவது மறை பிறர் அறியாமை 

முறை எனப்படுவது கண்ஓடாது உயிர் வௌவல் 

பொறை எனப்படுவது போற்றாரைப் பொறுத்தல் *

சொல்லும் பொருளும்

• அலந்தவர் – வறியவர்
• கிளை – உறவினர்
• செறாஅமை – வெறுக்காமை
• பேதையார் – அறிவற்றவர்
• நோன்றல் – பொறுத்தல்
• மறாஅமை – மறவாமை
• போற்றார் – பகைவர்
• பொறை – பொறுமை

பாடலின் பொருள்

இல்வாழ்வு என்பது வறியவர்களுக்கு உதவி செய்தல். பாதுகாத்தல் என்பது அன்புடையோரைப் பிரியாது வாழ்தல். பண்பு எனப்படுவது சான்றோர் காட்டிய வழியில் நடத்தல். அன்பு எனப்படுவது உறவினர்களோடு வெறுப்பின்றி வாழ்தல். அறிவு எனப்படுவது அறிவற்றவர் கூறும் சொற்களைப் பொறுத்தல். செறிவு எனப்படுவது முன் சொன்ன வாக்கை மறுக்காமல் காப்பாற்றுதல். நிறை எனப்படுவது மறைபொருளைப் பிறர் அறியாமல் காத்தல். நீதிமுறை எனப்படுவது குற்றம் செய்தவருக்கு உரிய தண்டனை வழங்குதல். பொறுமை எனப்படுவது தம்மை இகழ்வாரையும் பொறுத்தல். நாம் ஒவ்வொருவரும் இத்தகைய பண்புநலன்களைப் பின்பற்றி வாழவேண்டும்.

நூல் வெளி

கலித்தொகை எட்டுத்தொகை நூல்களுள் ஒன்று. இது கலிப்பா என்னும் பாவகையால் ஆன நூல்; நூற்று ஐம்பது பாடல்களைக் கொண்டது. குறிஞ்சிக்கலி, முல்லைக்கலி, மருதக்கலி, நெய்தற்கலி, பாலைக்கலி என்னும் ஐந்து பிரிவுகளை உடையது. கலித்தொகையைத் தொகுத்த நல்லந்துவனார் சங்ககாலப் புலவர்களுள் ஒருவர். நெய்தற்கலிப் பாடல்களை இயற்றியவரும் இவரே.

சரியான விடையைத் தேர்ந்தெடுத்து எழுதுக.

1. பசியால் வாடும் _____ உணவளித்தல் நமது கடமை.

1. பிரிந்தவர்க்கு
2. அலந்தவர்க்கு
3. சிறந்தவர்க்கு
4. உயர்ந்தவர்க்கு

விடை : அலந்தவர்க்கு

2. நம்மை _____ப் மபொறுத்துக் கொள்ள வேண்டும்.

1. இகழ்வாரை
2. அகழ்வாரை
3. புகழ்வாரை
4. மகிழ்வாரை

விடை : இகழ்வாரை

3. மறைபொருளைக் காத்தல் _____ எனப்படும்.

1. சிறை
2. அறை
3. கறை
4. நிறை

விடை : நிறை

4. ‘பாடறிந்து’ என்னும் சொல்லைப் பிரித்து எழுதக் கிடைப்பது _____.

1. பாட் + அறிந்து
2. பா + அறிந்து
3. பாடு + அறிந்து
4. பாட்டு + அறிந்து

விடை : பாடு + அறிந்து

5. முறை + எனப்படுவது என்பதனைச் சேர்த்தெழுதக் கிடைக்கும் சொல் _____.

1. முறையப்படுவது
2. முறையெனப்படுவது
3. முறைஎனப்படுவது
4. முறைப்படுவது

விடை : முறையெனப்படுவது

குறு வினா

1. பண்பு, அன்பு ஆகியவை பற்றிக் கலித்தொகை கூறுவன யாவை?

• பண்பு என்பது சான்றோர் காட்டிய வழியில் நடத்தல்.
• அன்பு என்பது உறவினர்களோடு வெறப்பின்றி வாழ்தல்.

2. முறை, பொறை என்பவற்றுக்குக கலித்தொகை கூறும் விளக்கம் யாது?

• முறை என்பது குற்றம் செய்தவருக்கு உரிய தண்டனை வழங்குதல்
• பொறை என்பது தம்மை இகழ்பவரையும் பொறுத்தல்.

சிறு வினா

நமக்கு இருக்க வேண்டிய பண்பு நலன்களாக நல்லந்துவனார் கூறும் விளக்கங்களைத் தொகுத்து எழுதுக.

• இல்வாழ்க்கை என்பது ஏழைகளுக்கு உதவி செய்தல்.
• பாதுகாத்தல் என்பது சான்றோர் காட்டிய வழியில் நடத்தல்.
• அன்பு என்பது உறவினர்களோடு வெறப்பின்றி வாழ்தல்.
• அறிவு என்பது அறிவற்றவர்கள் கூறும் சொற்களை பொறுத்தல்.
• செறிவு என்பது முன் சொன்ன வாக்கை மறுக்காமல் காப்பாற்றுதல்.
• நிறை என்பது மறைபொருளை அழியாமல் காத்தல்.
• முறை என்பது குற்றம் செய்தவருக்கு உரிய தண்டனை வழங்குதல்.
• பொறை என்பது தம்மை இகழ்பவரையும் பொறுத்தல்.
• இத்தகைய பண்புகளைப் பின்பற்றி வாழ வேண்டும் என்று கலித்தொகை குறிப்பிடுகிறது

பாடறிந்து ஒழுகுதல் – கூடுதல் வினாக்கள்

கோடிட்ட இடங்களை நிரப்புக

1. கலித்தொகை ______________ நூல்களுள் ஒன்று.
விடை : எட்டுத்தொகை
2. கலித்தொகையில் அமைந்துள்ள பாடல்களின் எண்ணிக்கை ______________
விடை : 150
3. கலித்தொகையை தொகுத்தவர் ______________
விடை : நல்லந்துவனார்
4. நல்லந்துவனார் கலித்தொகையில் ______________ கலி பாடியுள்ளார்
விடை : நெய்தல்
4. கிளை என்பதற்கு ______________ என்று பொருள்
விடை : உறவினர்

சிறு வினா

1. இல்வாழ்வு என்பது என்ன?

• இல்வாழ்வு என்பது வறியவர்களுக்கு உதவி செய்தல் ஆகும்.

2. பொறுமை எனப்படுவது யாது?

• பொறுமை எனப்படுவது தம்மை இகழ்வாரை பொறுத்தல் ஆகும்.

3. நீதிமறை எனப்படுவது யாது?

• நீதிமறை எனப்படுவது குற்றம் செய்தவருக்கு உரிய தண்டனை வழங்குதல் ஆகும்

4. அறிவு என கலித்தொகை கூறுவது என்ன?

• அறிவற்றவர்கள் கூறும் சொற்களை பொறுத்து கொள்ளுதலே அறிவு என கலித்தொகை கூறிகிறது

குறு வினா

1. நல்லந்துவனார் – குறிப்பு வரைக

• கலித்தொகையைச் தொகுத்த நல்லந்துவனார் சங்க காலப் புலவர்களுள் ஒருவர்
• கலித்தொகையின் நெய்தல்கலிப் பாடல்களை இயற்றியவர்

2. கலித்தொகையின் பிரிவுகளை எழுதுக

• குறிஞ்சிக்கலி
• முல்லைக்கலி
• மருதக்கலி
• நெய்தற்கலி
• பாலைக்கலி என்னும் ஐந்து பிரிவுகளை உடையது.

3. கலித்தொகை குறிப்பு வரைக

• கலித்தொகை எட்டுத்தொகை நூல்களுள் ஒன்று
• கலிப்பா என்னும் பாவகையால் ஆனது
• 150 பாடல்களை கொண்டது
• குறிஞ்சிக்கலி, முல்லைக்கலி, மருதக்கலி, நெய்தற்கலி, பாலைக்கலி என்னும் ஐந்து பிரிவுகளை உடையது.
• கலித்தொகையை தொகுத்தவர் நல்லந்துவனார்

கூடுதல் வினாக்கள்

நிரப்புக :

1. கலித்தொகை …………….. நூல்களுள் ஒன்று.
2. கலிப்பா என்னும் பாவகையால் ஆன நூல் ………………
3. கலித்தொகை ………………. என்னும் பாவகையால் பாடப்பட்டது.
4. கலித்தொகையைத் தொகுத்தவர் ……………….
5. கலித்தொகையில் நல்லந்துவனார் இயற்றிய பிரிவு ……………….
6. சான்றோர் காட்டிய வழியில் நடத்தல் …………………
7. பாதுகாத்தல் என்பது ……………… பிரியாது வாழ்தல்.
8. வறியவர்களுக்கு உதவி செய்தல் என்பது ……………..
9. தம்மை இகழ்வாரையும் பொறுத்தல் …………….
10. அறிவு எனப்படுவது ………………. கூறும் சொற்களைப் பொறுத்துக் கொள்வது.

Answer:

1. எட்டுத்தொகை
2. கலித்தொகை
3. கலிப்பா
4. நல்லந்துவனார்
5. நெய்தற்கலி
6. பண்பு
7. அன்புடையோரைப்
8. இல்வாழ்வு
9. பொறுமை
10. அறிவற்றவர்

விடையளி :

1.கலித்தொகை – குறிப்பு எழுதுக.

தொகுத்தவர் நல்லந்துவனார்

• கலித்தொகை எட்டுத்தொகை நூல்களுள் ஒன்று.
• இது கலிப்பா என்னும் பாவகையால் ஆன நூல்.
• நூற்று ஐம்பது பாடல்களைக் கொண்டது.
• குறிஞ்சிக்கலி, முல்லைக்கலி, மருதக்கலி, நெய்தற்கலி, பாலைக்கலி என்னும் ஐந்து பிரிவுகளை உடையது.

2.நல்லந்துவனார் – குறிப்பு எழுதுக.

• கலித்தொகையைத் தொகுத்தவர் நல்லந்துவனார்.
• இவர் சங்ககாலப் புலவர்களுள் ஒருவர்.
• கலித்தொகையில் நெய்தற்கலிப் பாடல்களை இயற்றியுள்ளார்.

3.ஆற்றுதல், போற்றுதல் ஆகியவை பற்றிக் கலித்தொகை கூறுவன யாவை?

• இல்வாழ்வு என்பது வறியவர்களுக்கு உதவி செய்தல்.
• பாதுகாத்தல் என்பது அன்புடையோரைப் பிரியாது வாழ்தல்.

4.அறிவு, செறிவு என்பவற்றுக்குக் கலித்தொகை கூறும் விளக்கம் யாது?

• அறிவு எனப்படுவது அறிவற்றவர் கூறும் சொற்களைப் பொறுத்தல்.
• செறிவு எனப்படுவது முன் சொன்ன வாக்கை மறுக்காமல் காப்பாற்றுதல்.

நூல் வெளி

• கலித்தொகை எட்டுத்தொகை நூல்களுள் ஒன்று. இது கலிப்பா என்னும் பாவகையால் ஆன நூல். நூற்று ஐம்பது பாடல்களைக் கொண்டது. குறிஞ்சிக்கலி, முல்லைக்கலி, மருதக்கலி, நெய்தற்கலி என்னும் ஐந்து பிரிவுகளை உடையது. கலித்தொகையைத் தொகுத்த நல்லந்துவனார் சங்ககாலப் புலவர்களுள் ஒருவர். நெய்தற்கலிப் பாடல்களை இயற்றிவரும் இவரே.

பாடலின் பொருள்

• இல்வாழ்வு என்பது வறியவர்க்கு உதவி செய்தல். பாதுகாத்தல் என்பது அன்புடையோரைப் பிரியாது வாழ்தல். பண்பு எனப்படுவது சான்றோர் காட்டிய வழியில் நடத்தல். அன்பு எனப்படுவது உறவினர்களோடு வெறுப்பின்றி வாழ்தல். அறிவு எனப்படுவது அறிவற்றவர் கூறும் சொற்களைப் பொறுத்தல். செறிவு எனப்படுவது முன் சொன்ன வாக்கை மறுக்காமல் காப்பாற்றுதல்.
• நிறை எனப்படுவது மறைபொருளைப் பிறர் அறியாமல் காத்தல். நீதிமுறை எனப்படுவது குற்றம் செய்தவருக்கு உரிய தண்டனை வழங்குதல். பொறுமை எனப்படுவது தம்மை இகழ்வாரையும் பொறுத்தல். நாம் ஒவ்வொருவரும் இத்தகைய பண்புநலன்களைப் பின்பற்றி வாழவேண்டும்.

*********************THE END OF 5.2**************************

5.3. நாட்டுப்புறக் கைவினைக் கலைகள்

தெரிந்து தெளிவோம்

கல்மூங்கில், மலைமூங்கில், கூட்டுமூங்கில் என மூன்றுவகை மூங்கில்கள் உண்டு. அவற்றுள் கூட்டு மூங்கில்களே கைவினைப் பொருள்கள் செய்வதற்கு ஏற்றவை.

I. சரியான விடையைத் தேர்ந்தெடுத்து எழுதுக.

1. பழந்தமிழ் இலக்கியங்களைப் பாதுகாத்து வைத்தவை ______.

1. கல்வெட்டுகள்
2. செப்பேடுகள்
3. பனையோலைகள்
4. மண்பாண்டங்கள்

விடை : பனையோலைகள்

2. பானை______ ஒரு சிறந்த கலையாகும்.

1. செய்தல்
2. வனைதல்
3. முடைதல்
4. சுடுதல்

விடை : வனைதல்

3. ‘மட்டுமல்ல’ என்னும் சொல்லைப் பிரித்து எழுதக் கிடைப்பது ______.

1. மட்டு + மல்ல
2. மட்டம் + அல்ல
3. மட்டு + அல்ல
4. மட்டும் + அல்ல

விடை : மட்டும் + அல்ல

4. கயிறு + கட்டில் என்பதனைச் சேர்த்தெழுதக் கிடைக்கும் சொல் _____.

1. கயிற்றுக்கட்டில்
2. கயிர்க்கட்டில்
3. கயிறுக்கட்டில்
4. கயிற்றுகட்டில்

விடை : கயிற்றுக்கட்டில்

II. பின்வரும் சொற்களைச் சொற்றொடரில் அமைத்து எழுதுக.

1. முழுவதும்

பாடநூல் முழுவதும் வாசித்தால் தான் தெளிவு கிடைக்கும்

2. மட்டுமல்லாமல்

ஏட்டுக்கல்வி மட்டுமல்லாமல் தொழில் கல்வியும் கற்க வேண்டும்

3. அழகுக்காக

பூச்செடிகளை அழகுக்காக வீட்டின் முன் வளர்த்தேன்

4. முன்பெல்லாம்

முன்பெல்லாம் விவசாயத்திற்கு காளை மாடுகளை அதிகமாக பயன்படுத்தினர்

III. குறு வினா

1. எவற்றையெல்லாம் கைவினைக்கலைகள் எனக் கூறுகிறோம்?

• மண் பொம்மைகள் செய்தல்
• மரப்பொம்மைகள் செய்தல்
• காகிதப் பொம்மைகள் செய்தல்
• தஞ்சாவூர்த் தட்டு செய்தல்
• சந்தன மாலையும் ஏலக்காய் மாலையும் செய்தல்
• மாட்டுக் கொம்பினால் கலைப்பொருட்கள் செய்தல்
• ஆகியவற்றை எல்லாம் கைவினைக் கலைகள் எனக்கூறுகிறோம்

2. மண்பாண்டம், சுடுமண் சிற்பம் – ஒப்பிடுக

மண்பாண்டம்	சுடுமண் சிற்பம்
களிமண்ணை ஒரு நாள் முழுவதும் ஊற வைத்து மெல்லி மணல் மற்றும் சாம்பல் சேர்த்து சக்கரத்தால் செய்வது மண்பாண்டம்	களிமண்ணால் செய்யப்பட்டு சூளையில் சுட்டு எரித்து எடுக்கப்படுபவை சுடுமண் சிற்பங்கள்

3. பனையோலையால் உருவாக்கப்படும் பொருள்கள் யாவை?

• குழந்தைகளுக்கான கிளுகிளுப்பை பொம்மைகள்
• பொருள்களை வைத்துக் கொள்ள உதவும் சிறிய கொட்டான்
• பெரிய கூடை
• சுளகு
• விசிறி
• தொப்பி
• ஓலைப்பாய்
• பனை மட்டை நாரிலிருந்து கயிறு
• கட்டில்
• கூடை போன்றவை செய்யப்படுகின்றன.

IV. சிறு வினா

1. பிரம்பினால் பொருள்கள் செய்யும் முறையைக் கூறுக.

• பிரம்பு என்பது ஒரு தாவரம். முதலில் பிரம்புகளை நெருப்பில் காட்டிச் சூடுபடுத்த வேண்டும்.
• சூடான பிரம்பை நட்டு வைத்திருக்கும் இரண்டு பாறைகளுக்கு இடையே செலுத்தி வளைக்க வேண்டும். அது வேண்டிய வடிவத்தில் கம்பி போல் வளையும்.
• பின்னர் அதனை தண்ணீரில் நனைத்து வைத்து விட்டால், அது அப்படிேய நிலைத்து விடும். பிறகு அவற்றை இணைத்துச் சிறு ஆணிகளை அறைந்தும், சிறு பிரம்பு இழைகளைக் கொண்டும் தேவையான பொருட்களாக மாற்ற வேண்டும்.

2. மூங்கிலால் செய்யப்படும் பொருள்கள் குறித்து எழுதுக.

• மட்டக்கூடை
• தட்டுக்கூடை
• கொட்டுக்கூடை
• முறம்
• ஏணி
• சதுரத்தட்டி
• கூரைத்தட்டி
• தெருக்கூட்டும் துடைப்பம்
• மாடுகளுக்கான மூஞ்சிப்பெட்டி
• பழக்கூடை
• பூக்கூடை
• பூத்தட்டு
• கட்டில்
• புல்லாங்குழல்
• புட்டுக்குழாய்
• கால்நடைகளுக்கு மருந்து புகட்டு குழாய்
• தொட்டில்
• பாடை ஆகியவை அனைத்தும் மூங்கிலால் செய்யப்படும் பொருள்கள் ஆகும்
  

V. நெடு வினா

தமிழக் கைவினைக் கலைகளைப் பற்றிய செய்திகளைத் தொகுத்து எழுதுக

மண்பாண்டக் கலை :-

• குடம், தோண்டி, கலயம், கடம், மூடி, உழக்கு, அகல், உண்டியல், அடுப்பு, தொட்டி ஆகிய அனைத்து பொருட்களும் சுத்தமான களிமண்ணால் செய்யப்பட்டவை
• பக்குவப்படுத்தப்பட்ட களிமண், மெல்லிய மணல் சாம்பல் ஆகியவற்றைக் கலந்து எடுத்துக் கொள்ள வேண்டும்
• சக்கரத்தின் நடுவே வைத்து உரிய வடிவத்தால் அதைக் கொண்டு வர வேண்டும்.
• பிறகு அடிப்பகுதியில் நூல் அல்லது ஊசியால் அறுத்து எடுத்து காய வைக்க வேண்டும். பிறகு உரிய மண்பாண்டம் தயாராகிவிடும்.
• மண்பாண்டங்களில் சமைத்த உணவு உடலுக்கு நல்லது.
• திருவிழாக் காலங்களில் சமயச் சடங்குகளிலும் மண்பானைகள் இன்று வரை பயன்படுத்தப்பட்டு வருகின்றன.

மூங்கில் கலை :-

• மூங்கில் கொண்டு பல கைவினைப் பொருள்கள் செய்யப்படுகின்றன.
• மட்டக்கூடை, தட்டுக்கூடை, கொட்டுக்கூடை, முறம், ஏணி, சதுரத்தட்டி, கூரைத்தட்டி, தெருக்கூட்டும் துடைப்பம், மாடுகளுக்கான மூஞ்சிப்பெட்டி, பழக்கூடை, பூக்கூடை, பூத்தட்டு, கட்டில், புல்லாங்குழல், புட்டுக்குழாய், கால்நடைகளுக்கு மருந்து புகட்டு குழாய், தொட்டில், பாடை ஆகிய அனைத்தும் மூங்கிலால் செய்யப்படும் பொருள்கள் ஆகும்
• முன்பு எல்லாம் திருமணத்தின் போது சீர்த்தட்டுகளாக பயன்படுத்தினர்.

பனையோலைக் கலை :-

• பனையோலையில் பல கைவினைப் பொருள்கள் உருவாக்கப்படுகின்றன.
• குழந்தைகளுக்கான கிளுகிளுப்பை பொம்மைகள், பொருள்களை வைத்துக் கொள்ள உதவும் சிறிய கொட்டான், பெரிய கூடை, சுளகு, விசிறி, தொப்பி, ஓலைப்பாய், பனை மட்டை நாரிலிருந்து கயிறு, கட்டில், கூடை போன்றவை செய்யப்படுகின்றன

பிரம்புக் கலை :-

• பிரம்பு என்பது ஒரு தாவரம். முதலில் பிரம்புகளை நெருப்பில் காட்டிச் சூடுபடுத்த வேண்டும்.
• சூடான பிரம்பை நட்டு வைத்திருக்கும் இரண்டு பாறைகளுக்கு இடையே செலுத்தி வளைக்க வேண்டும். அது வேண்டிய வடிவத்தில் கம்பி போல் வளையும்.
• பின்னர் அதனை தண்ணீரில் நனைத்து வைத்து விட்டால், அது அப்படிேய நிலைத்து விடும். பிறகு அவற்றை இணைத்துச் சிறு ஆணிகளை அறைந்தும், சிறு பிரம்பு இழைகளைக் கொண்டும் தேவையான பொருட்களாக மாற்ற வேண்டும்.
• பிரம்பு மிகவும் குளிர்ச்சியானது. எனேவ அதில் அமர்வது உடலுக்கு நல்லது.
• மேலும் பிரம்புப் பொருள் வீட்டுக்கு அழகையும் கொடுக்கும்.

நாட்டுப்புறக் கைவினைக் கலைகள் – கூடுதல் வினாக்கள்

I. கோடிட்ட இடங்களை நிரப்புக

1. பானை ஓடுகள் கிடைத்துள்ள இடம் ______________
விடை : சிந்துசமவெளி
2. முதுமக்கள் தாழிகள் கிடைத்துள்ள தமிழக இடம் ______________
விடை : ஆதிச்சநல்லூர்
3. மிகவும் பழமையான கைவினைக் கலைகளில் ஒன்று ______________
விடை : மண்பாண்டக் கலை
4. பானை செய்யும் சக்கரத்திற்கு ______________ என்று பெயர்
விடை : திருவை
5. பானை செய்தலை ______________ என்று சொல்வது மரபு
விடை : பானைவனைதல்
6. மண்பாண்டக்கலையின் இன்னொரு வளர்ச்சி நிலை ______________
விடை : சுடுமண் சிற்பக்கலை
7. தமிழ்நாட்டின் மாநில மரம் ______________
விடை : பனை

II. சிறு வினா

1. பனைமட்டையின் நாரிலிருந்து செய்யப்படும் பொருள்கள் எவை?

• கயிறு
• கட்டில்
• கூடை

2. பாய்களின் வகைகளை கூறு

• குழந்தைகளை படுக்க வைப்பது தடுக்குப்பாய்
• உட்கார்ந்து உண்ண உதவுவது பந்திப்பாய்
• உட்காரவும், படுக்கவும் உதவுவது திண்ணைப்பாய்
• திருமணத்திற்கு பயன்படுத்துவது பட்டுப்பாய்
• இசுலாமியர் தொழுகைக்கு பயன்படுத்துவது தொழுகைப்பாய்

3. மூங்கிலில் எத்தனை வகை உள்ளது? அவை யாவை?

மூங்கிலில் மூன்று வகை உள்ளது

• கூல் மூங்கில்
• மலை மூங்கில்
• கூட்டு மூங்கில்

4. கைவினைக் கலைகள் என்றால் என்ன?

• அன்றாடப் பயன்பாட்டுக்காக அழகிய பொருள்களைத் தொழில் முறையில் உருவாக்கும் கலையைக் கைவினைக் கலைகள் என்பர்.

5. கைவினைப் பொருட்கள் செய்யப் பயன்படும் மூங்கில் எவை?

• கூட்டு மூங்கிலே கைவினைப் பொருட்கள் செய்யப் பயன்படும் மூங்கில் ஆகும்

நிரப்புக :

1. சிந்து சமவெளி அகழாய்வில் கிடைத்தவை ……………….
2. ஆதிச்சநல்லூரில் கிடைத்தவை …………………. தாழிகள்.
3. செம்பியன் கண்டியூரில் கண்டுபிடிக்கப்பட்டவை ………………….
4. கீழடியில் கிடைத்தவை ……………. பொருள்கள்.
5. பானை செய்யும் சக்கரம் ……………. எனப்படும்.
6. பானை செய்தலைப் ……………….. என்று சொல்வது மரபு.
7. மண்பாண்டங்களில் வைத்த தண்ணீர் ……………… இருக்கும்.
8. மண்பாண்டக்கலையின் வளர்ச்சி நிலை …………………..
9. வேண்டுதல் நிறைவேறினால் வைக்கப்படும் சிற்பம் ……………………
10. ‘கூம்பொடு மீப்பாய் களையாது’ என்னும் பாடல் அடி இடம் பெற்றுள்ள நூல் ………………..
11. பிரம்பு …………… வகையைச் சேர்ந்த தாவரம்.

Answer:

1. பானை ஓடுகள்
2. முதுமக்கள்
3. மண்கலங்கள்
4. சுடுமண்
5. திருவை
6. பானை வனைதல்
7. குளிர்ச்சியாக
8. சுடுமண் சிற்பக்கலை
9. குதிரைச் சிற்பம்
10. புறநானூறு
11. கொடி

குறுவினா :

1.களிமண்ணால் செய்யப்பட்ட பொருள்கள் யாவை?

• குடம், தோண்டி, கலயம், கடம், மூடி, உழக்கு, அகல், உண்டியல், அடுப்பு, தொட்டி.

2.களிமண் எங்கெங்குக் கிடைக்கும்?

• களிமண் குளங்கள், ஆற்றங்கரைகள், வயல்வெளிகள் ஆகிய இடங்களில் கிடைக்கும்.

3.சுடுமண்ணில் செய்யப்படும் சிற்பங்கள் யாவை?

• மனித உருவங்கள், விலங்குகள், பறவைகள், பொம்மைகள், அலங்கார வடிவங்கள் எனப் பல வகையான சிற்பங்கள் சுடுமண்ணில் செய்யப்படுகின்றன.

4.பாயின் பயன்பாட்டினைப் பற்றிப் புறநானூறு கூறுவது யாது?

• முற்காலத்தில் பாய்மரக்கப்பல்களில் பாய் பயன்பட்டுள்ளது என்பதனைப் புறநானூறு ‘கூம்பொடு மீப்பாய் களையாது’ என்னும் அடியில் குறிப்பிடுகிறது.

5.பாய்களில் எவ்வெவை இடம் பெறுகின்றன?

• திருமணத்திற்குப் பயன்படுத்தும் பட்டுப்பாய்களில் மணமக்கள் பெயர்கள் இடம் பெற்றிருக்கும்.
• குத்துவிளக்கு, மயில், பூக்கள், வழிபாட்டுச் சின்னங்கள் போன்றவைகளும் இடம் பெறும்.

6.பிரம்பில் செய்யப்படும் பொருள்கள் யாவை?

• கட்டில், ஊஞ்சல், நாற்காலி, மேசை, பூக்கூடை, பழக்கூடை, இடியாப்பத்தட்டு, அருச்சனைத் தட்டு, வெற்றிலைப்பெட்டி எனப் பலவகையான பொருள்கள் பிரம்பில் செய்யப்படுகின்றன.

சிறுவினா 

1.பலவகையான பாய்களின் பெயர்களை எழுதுக.

1. குழந்தைகளைப் படுக்கவைப்பது தடுக்குப்பாய்.
2. உட்கார்ந்து உண்ண உதவுவது பந்திப்பாய்.
3. உட்காரவும், படுக்கவும் உதவுவது திண்ணைப்பாய்.
4. திருமணத்துக்குப் பயன்படுத்துவது பட்டுப்பாய்.
5. இசுலாமியர் தொழுகைக்குப் பயன்படுத்துவது தொழுகைப்பாய்.

2.நீ அறிந்த கைவினைக் கலைகள் யாவை?

• மண் பொம்மைகள் செய்தல்
• மரப் பொம்மைகள் செய்தல்
• காகிதப் பொம்மைகள் செய்தல்
• தஞ்சாவூர்த் தட்டு செய்தல்
• சந்தனமாலையும் ஏலக்காய் மாலையும் செய்தல்
• மாட்டுக் கொம்பினால் கலைப்பொருள்கள் செய்தல்
• சங்கு, கிளிஞ்சல் போன்றவற்றால் பொருள்களை உருவாக்குதல் ஆகியவையாகும்.

**************THE END OF 5.3****************

5.4 தமிழர் இசைக்கருவிகள்

கற்பவை கற்றபின்

1.இசைக்கருவிகளின் படங்களைத் திரட்டிப் படத்தொகுப்பு உருவாக்குக.

குடமுழா

உடுக்கை

மத்தளம்

வீணை

2.இக்கால இசைக்கருவிகள் குறித்துக் கலைக்களஞ்சிய வடிவில் செய்திகளைத் தொகுத்து எழுதுக.

கித்தார் அல்லது கிட்டார் :

• இது அதிர்கம்பிகள் கொண்ட ஒரு , நரம்பு இசைக்கருவி ஆகும். கித்தார் மிகவும் பிரபலமான இசைக்கருவி. இதில் உள்ள வெவ்வேறான தடிமன் கொண்ட நரம்புகளை மீட்டுவதன் மூலம் இசை பிறக்கும். பொதுவான கித்தார் ஆறு தந்திகள் உடையது. அடித்தொனிக் கித்தார்கள் நான்கு தந்திகளைக் கொண்டவை.

பியானோ – கின்னரப்பெட்டி :

• பியானோ என்பது வதிப்பலகையால் வாசிக்கப்படும் இசைக்கருவி. பெரிதாக மேற்கத்திய இசையில் தனித்து வாசிப்பதற்கும் அறையிசையில் வாசிப்பதற்கும், துணைக் கருவியாக வாசிப்பதற்குமே பயன்படுத்தப்படுகிறது.

தபேலா (கைம்முரசு இணை) :

• இது இந்துஸ்தானி இசையில் மிக முக்கியமான தாள வாத்தியம். தற்போது தென்னிந்தியாவில் பக்திப் பாடல், மெல்லிசைப் பாடல், பஜனைப் பாடல் ஆகியவற்றில் கைம்முரசு இணை பக்கவாத்தியமாக வாசிக்கப்படுகிறது.

மதிப்பீடு

1.காற்றுக் கருவிகள் குறித்த செய்திகளைத் தொகுத்து எழுதுக.

முன்னுரை :

• இசைக்கு மயங்காதவர் எவருமில்லை . இதனை அனைவரும் அறிவர். அந்த இசையின் இனிமைக்குத் துணை செய்பவை இசைக்கருவிகள். இவை தோல் கருவி, நரம்புக் கருவி, காற்றுக்கருவி, கஞ்சக்கருவி என நான்கு வகைப்படும். இவற்றுள் காற்றுக்கருவியைப் பற்றி இக்கட்டுரையில் காண்போம்.

குழல் :

• காடுகளில் வளரும் மூங்கில்களில் வண்டுகள் ஏற்படுத்திய துளைகள் வழியாக காற்று வீசும் போது. இனிய இசை எழும்பும். இதனால் மகிழ்ந்த நம் முன்னோர் வேய்ங்குழல், புல்லாங்குழல் போன்றவற்றை உருவாக்கினர். குழல் ஏழு சுரங்களை உண்டாக்குவதற்கு உரிய ஏழு துளைகளை உடையது. இது சுமார் இருபது விரல் நீளம் உடையதாக இருக்கும்.
• மூங்கில் மட்டுமன்றிச் சந்தனம், செங்காலி, கருங்காலி ஆகிய மரங்களாலும் குழல்கள் செய்யப்படுகின்றன. கொன்றைக்குழல், முல்லைக்குழல், ஆம்பல் குழல் எனப் பலவகையான குழல்கள் இருந்ததாகச் சிலப்பதிகாரம் கூறுகிறது. குழல் இனிது யாழ்இனிது என்பர்தம் மக்கள் மழலைச்சொல் கேளா தவர். (திருக்குறள்)

கொம்பு :

• மனிதர்கள் தொடக்க காலத்தில் இறந்த மாடுகளின் கொம்புகளைப் பயன்படுத்தி ஒலி எழுப்பினர். அதுவே பிற்காலத்தில் கொம்பு என்னும் இசைக்கருவிக்கு அடிப்படையாயிற்று. இக்காலத்தில் பித்தளை அல்லது வெண்கலத்தில் கொம்புகள் செய்யப்படுகின்றன. இதனை வேடர் வேட்டையின் போது ஊதுவர்.
• கழனி மேடுகளில் காவல் புரிபவர்கள் விலங்குகள், கள்வரை விரட்டவும் மற்ற காவல்காரர்களை விழித்திருக்கச் செய்யவும் கொம்பினை ஊதுவர். ஊதுகொம்பு, எக்காளம், சிங்கநாதம், துத்தரி போன்ற பலவகையான கொம்புகள் இக்காலத்தில் திருவிழா ஊர்வலங்களின் போது இசைக்கப்படுகின்றன.

சங்கு :

• இஃது ஓர் இயற்கைக் கருவி. கடலில் இருந்து எடுக்கப்படுவது. வலமாகச் சுழிந்து இருக்கும் சங்கை வலம்புரிச்சங்கு என்பர். சங்கின் ஒலியைச் சங்கநாதம் என்பர். இலக்கியங்களில் இதனைப் பணிலம் என்றும் குறிப்பிட்டுள்ளனர். கோயில் திருவிழாக்களின் போதும் சமயச் சடங்குகளின்போதும் சங்கு முழங்கும் வழக்கம் உண்டு.
• சங்கொடு சக்கரம் ஏந்தும் தடக்கையன்
• பங்கயக் கண்ணானைப் பாடேலோர் எம்பாவாய். – என்று திருப்பாவை கூறுகிறது.

முடிவுரை :

• இவ்வாறு இசைக் கருவிகள் நம் வாழ்வோடு இணைந்துள்ளன என்பதை உணர்ந்து மகிழலாம்.
  
  
  

*******THE END OF 5.4**********

5.5. தொகைநிலை, தொகாநிலைத் தொடர்கள்

தெரிந்து தெளிவோம்

ஒன்றுக்கு மேற்பட்ட சொற்களில் உம் என்னும் உருபு வெளிப்பட வருவது எண்ணும்மை எனப்படும்.

(எ.கா.) இரவும் பகலும், பசுவும் கன்றும்

சரியான விடையைத் தேர்ந்தெடுத்து எழுதுக.

1. சொற்களுக்கு இடையே வேற்றுமை உருபு மறைந்து வருவது _____.

1. வேற்றுமைத்தொகை
2. உம்மைத்தொகை
3. உவமைத்தொகை
4. அன்மொழித்தொகை

விடை : வேற்றுமைத்தொகை

2. ‘செம்மரம்’ என்னும் சொல் _____த்தொகை.

1. வினை
2. பண்பு
3. அன்மொழி
4. உம்மை

விடை : பண்பு

3. ‘கண்ணா வா!’- என்பது _____த் தொடர்.

1. எழுவாய்
2. விளி
3. வினைமுற்று
4. வேற்றுமை

விடை : விளி

II. பொருத்துக.

பெயரெச்சத் தொடர் – கார்குழலி படித்தாள்.

1. வினையெச்சத் தொடர் – புலவரே வருக.
2. வினைமுற்றுத் தொடர் – பாடி முடித்தான்.
3. எழுவாய்த் தொடர் – எழுதிய பாடல்.
4. விளித் தொடர் – வென்றான் சோழன்.

விடை : 1 – ஈ, 2 – இ, 3 – உ, 4 – அ, 5 – ஆ

III. சிறுவினா

1. தொகைநிலைத் தொடர்கள் எத்தனை வகைப்படும்? அவை யாவை?

தொகைநிலைத் தொடர் ஆறு வகைப்படும். அவை

• வேற்றுமைத் தொகை
• வினைத்தொகை
• பண்புத்தொகை
• உவமைத்தொகை
• உம்மைத்தொகை
• அன்மொழித்தொகை

2. இரவுபகல் என்பது எவ்வகைத் தொடர் என விளக்குக.

• ‘இரவு பகல்’ இத்தொடர், ‘இரவும் பகலும்’ என விரிந்து பொருள் தருகின்றது.
• இதில் சொல்லின் இடையிலும், இறுதியிலும் ‘உம்’  என்னும் இடைச்சொல் நின்று பொருள் தருகிறது.
• இவ்வாறு சொற்களுக்கு இடையிலும், இறுதியிலும் ‘உம்’ இடைச்சொல் மறைந்து நின்று பொருள் தருவதை உம்மைத் தொகை என்பர்.

3. அன்மொழித்தொகையை எடுத்துக்காட்டுடன் விளக்குக.

• வேற்றுமை, வினை, பண்பு, உவமை, உம்மை ஆகிய தொகைநிலைத் தொடர்களில் அவை அல்லாத வேறு பிற சொற்களும் மறைந்து வருவது அன்மொழித் தொகை எனப்படும்.

சான்று : பொற்கொடி வந்தாள்

• இத்தொடரில் “பொன்னாலாகிய வளையலை அணிந்த பெண் வந்தாள்” என்னும் பொருள் தருகிறது. இதில் “ஆல்” என்னும் வேற்றுமை உருபும் “ஆகிய” என்னும் அதன் பயனும் மறைந்து வந்துள்ளது.
• “வந்தாள்” என்னும் சொல்லால் பெண் என்பதனையும் குறிப்பதால், இது மூன்றாம் வேற்றுமைப் புறத்துப் பிறந்த அன்மொழித் தொகை ஆகும்.

தொகைநிலை, தொகாநிலைத் தொடர்கள் – கூடுதல் வினாக்கள்

1. வேற்றுமைத்தொகை என்றால் என்ன?

• இரு சொற்களுக்கு இடையில் வேற்றுமை உருபு மறைந்து வந்து பொருள் தந்தால் அதனை வேற்றுமைத்தொகை என்பர்.

2. உருபும் பயனும் உடன்தொக்கத் தொகை என்பது என்ன? சான்று

• ஒரு தொடரில் வேற்றுமை உருபும் அதன் பொருளை விளக்கும் சொல்லும் (பயன்) மறைந்து வருவது உருபும் பயனும் உடன்தொக்கத் தொகை எனப்படும்

சான்று : பணப்பை

• இது பணத்தைக் கொண்ட பை என விரிந்து பொருள் தருகிறது. பணம், பை என்னும் இரு சொற்களுக்கு இடையில் ‘ஐ’ என்னும் வேற்றுமை உருபும் ‘கொண்ட’ என்னும் சொல்லும் (உருபின் பயன்) மறைந்து வந்துள்ளன.

மொழியை ஆள்வோம்!

I. கோடிட்ட இடங்களில் பொருத்தமான சொல்லுருபுகளை இட்டு நிரப்புக.

( கொண்டு, இருந்து, உடைய, காட்டிலும், ஆக, நின்று, உடன், விட, பொருட்டு )
1. இடி ______________ மழை வந்தது.
விடை : உடன்
2. மலர்விழி தேர்வின் ______________ ஆயத்தமானாள்.
விடை : பொருட்டு
3. அருவி மலையில் ______________ வீழ்ந்தது.
விடை : இருந்து
4. தமிழைக் ______________ சுவையான மொழியுண்டோ!
விடை : காட்டிலும்
5. யாழ், தமிழர் ______________ இசைக்கருவிகளுள் ஒன்று
விடை : உடைய

II. பின்வரும் இசைக்கருவிகளின் பெயர்களை அகர வரிசைப்படுத்துக.

படகம், தவில், கணப்பறை, பேரியாழ், உறுமி, உடுக்கை, தவண்டை, பிடில், கசுரம், மகுடி
விடை : உடுக்கை, உறுமி, கணப்பறை, தவண்டை, தவில், நாகசுரம், படகம், பிடில், பேரியாழ், மகுடி

III. பின்வரும் இணைச்சொற்களை வகைப்படுத்துக.

உற்றார்உறவினர், விருப்புவெறுப்பு, காலைமாலை, கன்னங்கரேல், ஆடல்பாடல், வாடிவதங்கி, பட்டிதொட்டி, உள்ளும்புறமும், மேடுபள்ளம், நட்டநடுவில்.

நேரிணை :-

• உற்றார்உறவினர்
• வாடிவதங்கி
• நட்டநடுவில்
• பட்டிதொட்டி

எதிரிணை :-

• விருப்புவெறுப்பு
• காலைமாலை
• உள்ளும்புறமும்
• மேடுபள்ளம்
• ஆடல்பாடல்

செறியிணை :-

• கன்னங்கரேல்

IV. சரியான இணைச்சொற்களை இட்டு நிரப்புக.

( மேடுபள்ளம், ஈடுஇணை, கல்விகேள்வி, போற்றிப்புகழப்பட, வாழ்வுதாழ்வு, ஆடிஅசைந்து )
1. சான்றோர் எனப்படுபவர் ______________ சிறந்தவர் ஆவர்.
விடை : கல்விகேள்வி
2. ஆற்று வெள்ளம் ______________ பாராமல் ஓடியது.
விடை : மேடுபள்ளம்
3. இசைக்கலைஞர்கள் ______________ வேண்டியவர்கள்.
விடை : போற்றிப்புகழப்பட
4. தமிழ் இலக்கியங்களின் பெருமைக்கு ______________ இல்லை
விடை : ஈடுஇணை
5. திருவிழாவில் யானை ______________ வந்தது.
விடை : ஆடிஅசைந்து

மொழியோடு விளையாடு

குறுக்கெழுத்துப் புதிர்

இடமிருந்து வலம்:-

1. முதற்கருவி எனப் பெயர் பெற்றது. 

• மத்தளம்

2. யாழிலிருந்து உருவான பிற்காலக் கருவி _______________

• வீணை

7. இயற்கைக் கருவி _______________

• சங்கு

12. விலங்கின் உறுப்பைப் பெயராகக் கொண்ட கருவி _______________

• கொம்பு

வலமிருந்து இடம்:-

4. வட்டமான மணி போன்ற கருவி _______________

• சேகண்டி

8. ஐந்து வாய்களைக் கொண்ட கருவி _______________

• குடமுழா

9. இசைக்கருவிகளை இசைத்துப் பாடல் பாடுவோர் _______________

• பாணர்

மேலிருந்து கீழ்:-

1. 19 நரம்புகளைக் கொண்ட _______________

• மகரயாழ்

3. ஒன்றோடு ஒன்று மோதி இசைக்கப்படுபவை _______________ கருவி

• கஞ்ச

5. சிறியவகை உடுக்கை. 

• குடுகுடுப்பை

6. பறை ஒரு _______________ கருவி

• தோல்

கீழிருந்து மேல்:-

8. மூங்கிலால் செய்யப்படும் காற்றுக்கருவி _______________

• குழல்

10. வீணையில் உள்ள நரம்புகளின் எண்ணிக்கை _______________

• ஏழு

11. திருமணத்தின் போது கொட்டும் முரசு.

• குடமுழா

நிற்க அதற்குத் தக…

கலைச்சொல் அறிவோம்.

• கைவினைப் பொருள்கள் – Crafts
• பின்னுதல் – Knitting
• புல்லாங்குழல் – Flute
• கொம்பு – Horn
• முரசு – Drum
• கைவினைஞர் – Artisan
• கூடைமுடைதல் – Basketry
• சடங்கு – Rite

கூடுதல் வினாக்கள்

நிரப்புக.

1. சொற்கள் பல தொடர்ந்து நின்று பொருள் தருவது ……………….. அல்லது …………….. எனப்படும்.
2. தொகைநிலைத் தொடர் ………………. வகைப்படும்.
3. இரு சொற்களுக்கு இடையில் வேற்றுமை உருபு மறைந்து வந்து பொருள் தருவது …………………..
4. காலம் கரந்த பெயரெச்சம் …………………….
5. உவம உருபு மறைந்து வருவது …………………
6. தொகாநிலைத் தொடர் ……………….. வகைப்படும்.
7. இடைச்சொல் வெளிப்படையாக வருவது …………… தொடர்.
8. ‘நனி நின்று’ என்பது ……………… தொடர்.
9. ‘நன்று நன்று நன்று’ ……………… தொடர்.
10. வந்த மாணவன் ……………….. தொடர்.
11. ‘புழு பூச்சி’ ……………………..

Answer:

1. சொற்றொடர், தொடர்
2. ஆறு
3. வேற்றுமைத்தொகை
4. வினைத்தொகை
5. உவமைத்தொகை
6. ஒன்பது
7. இடைச்சொல்
8. உரிச்சொல்
9. அடுக்குத்
10. பெயரெச்சத்
11. உம்மைத்தொகை

விடையளி :

1.சொற்றொடர் என்றால் என்ன?

• சொற்கள் பல தொடர்ந்து நின்று பொருள் தருவது சொற்றொடர் அல்லது தொடர் எனப்படும்.

2.வேற்றுமைத்தொகை – விளக்குக.

• இரு சொற்களுக்கிடையில் வேற்றுமை உருபு மறைந்து வந்து பொருள் தருவது வேற்றுமைத்தொகை எனப்படும்.

எ.கா. திருவாசகம் படித்தான் – (ஐ) இரண்டாம் வேற்றுமைத் தொகை.

3.வினைத்தொகையை எடுத்துக்காட்டுகளுடன் விளக்குக.

• காலம் காட்டும் இடைநிலையும் பெயரெச்ச விகுதியும் மறைந்து வரும் பெயரெச்சம் வினைத்தொகை எனப்படும்.

எ.கா. ஆடுகொடி (ஆடிய கொடி, ஆடுகின்ற கொடி, ஆடும் கொடி)

4.பண்புத்தொகையை எடுத்துக்காட்டுடன் விளக்குக.

• பண்புப் பெயருக்கும் அது தழுவி நிற்கும் பெயர்ச்சொல்லுக்கும் இடையே ஆன, ஆகிய என்னும் பண்புருபுகள் மறைந்து வருவது பண்புத்தொகை எனப்படும்.

எ.கா. வெண்ணிலவு (வெண்மையான நிலவு)

5.இரு பெயரொட்டுப் பண்புத் தொகை – விளக்குக.

• சிறப்புப் பெயர் முன்னும் பொதுப்பெயர் பின்னும் நிற்க, இடையில் ஆகிய என்றும் பண்புருபு மறைந்து வருவது இருபெயரொட்டுப் பண்புத் தொகை எனப்படும்.

எ.கா. பனை மரம் (மரம் – பொதுப் பெயர், பனை – சிறப்புப் பெயர்)

6.உவமைத்தொகை – விளக்குக.

• உவமைக்கும் உவமேயத்துக்கும் இடையில் போல, போன்ற, நிகர, அன்ன முதலிய உவம உருபுகளுள் ஒன்று மறைந்து வருவது உவமைத்தொகை எனப்படும்.

எ.கா. மலர்விழி (மலர் போன்ற விழி)

7.தொகாநிலைத் தொடர் எத்தனை வகைப்படும்? அவை யாவை?

தொகாநிலைத் தொடர் ஒன்பது வகைப்படும். அவை

• எழுவாய்த் தொடர்
• விளித் தொடர்
• வினைமுற்றுத் தொடர்
• பெயரெச்சத் தொடர்
• வினையெச்சத் தொடர்
• வேற்றுமைத் தொகாநிலைத் தொடர்
• இடைச்சொல் தொடர்
• உரிச்சொல் தொடர்
• அடுக்குத் தொடர்

8.எழுவாய்த் தொடர் விளக்குக.

• எழுவாயைத் தொடர்ந்து பயனிலை அமைந்து இடையில் எச்சொல்லும் மறையாமல் வருவது எழுவாய்த் தொடர் ஆகும். எ.கா, மல்லிகை மலர்ந்தது.

9.வினையெச்சத் தொடர் – விளக்குக.

• வினையெச்சச் சொல் வினைமுற்றுச் சொல் கொண்டு முடிந்து இடையில்  எச்சொல்லும் மறையாமல் வருவது வினையெச்சத் தொடர் ஆகும். எ.கா. தேடிப் பார்த்தேன்.

*********************THE END OF 5.5***********************

 5.6. திருக்குறள்

I. சரியான விடையைத் தேர்ந்தெடுத்து எழுதுக.

1. அரசரை அவரது _____ காப்பாற்றும்.

1. செங்கோல்
2. வெண்கொற்றக்குடை
3. குற்றமற்ற ஆட்சி
4. படை வலிமை

விடை : குற்றமற்ற ஆட்சி

2. சொல்வளமும் நற்பண்பும் உடையவர்கள் தாம் பேசும் _____ தகுதி அறிந்து பேச வேண்டும்.

1. சொல்லின்
2. அவையின்
3. பொருளின்
4. பாடலின்

விடை : அவையின்

3. ‘கண்ணோடாது’ என்னும் சொல்லைப் பிரித்து எழுதக் கிடைப்பது _____.

1. கண் + ஓடாது
2. கண் + ணோடாது
3. க + ஓடாது
4. கண்ணோ + ஆடாது

விடை : கண் + ஓடாது

4. ‘கசடற’ என்னும் சொல்லைப் பிரித்து எழுதக் கிடைப்பது _____.

1. கச + டற
2. கசட + அற
3. கசடு + உற
4. கசடு + அற

விடை : கசடு + அற

5. என்று + ஆய்ந்து என்பதனைச் சேர்த்தெழுதக் கிடைக்கும் சொல் _____.

1. என்றாய்ந்து
2. என்றுஆய்ந்து
3. என்றய்ந்து
4. என்ஆய்ந்த

விடை : என்றாய்ந்து

II. குறு வினா

1. நன்மையைத் தரும் செயலை ஒருவரிடம் ஒப்படைக்கும் வழி யாது?

• இச்செயலை இந்தவகையால் இவர் செய்துமுடிப்பார் என்று ஆராய்ந்து அச்செயலை அவரிடம் ஒப்படைக்கவேண்டும

2. சிறந்த ஆட்சியின் பண்பாகத் திருக்குறள் கூறுவது யாது?

• எதையும் நன்கு ஆராய்ந்து ஒருபக்கம் சாயாது நடுவுநிலையில் நின்று நடத்துவதே சிறந்த ஆட்சியாகும்.

3. அரசன் தண்டிக்கும் முறை யாது?

• ஒருவர் செய்த குற்றத்தை முறையாக ஆராய்ந்து அவர் மீண்டும் குற்றம் செய்யாதவாறு தண்டிப்பது அரசனின் கடமையாகும்.

4. சிறந்த சொல்லாற்றலின் இயல்பு என்ன?

• கேட்பவரைத் தன்வயப்படுத்துவதும் கேளாதவரைக் கேட்கத் தூண்டுவதும் சிறந்த சொல்லாற்றலின் இயல்பாகும்.

III. பின்வரும் நிகழ்வுக்குப் பொருத்தமான திருக்குறளைத் தேர்ந்தெடுக்க.

பள்ளி ஆண்டுவிழா ஆலோசனைக் கூட்டம் நடைபெற்றது. அதில் கலைக்குழுத் தலைவராக யாரைத் தேர்ந்தெடுப்பது என்று பேசப்பட்டது. ஆசிரியர்கள் பள்ளி மாணவர் தலைவன் செழியனை பரிந்துரைத்தனர். தலைமை ஆசிரியர் ‘செழியன் மாணவர் தலைவனாக இருக்கிறான். ஆனால் இது கலைக் குழுவிற்கான தலைவர் பதவி. நடனம், இசை, நாடகம் என அனைத்துத் துறைகளிலும் ஆர்வமுள்ள ஒருவரே இதற்குத் தகுதியானவர். எனவே என்னுடைய தேர்வு கலையரசன்’ என்று நன்கு ஆராய்ந்து கூறினார். ஆசிரியர்கள் அனைவரும் ‘சிறந்த தேர்வு’ என்று மகிழ்ந்தனர்.

1. அவைஅறிந்து ஆராய்ந்து சொல்லுக சொல்லின்
தொகைஅறிந்த தூய்மை யவர்.
2. இதனை இதனால் இவன்முடிக்கும் என்றுஆய்ந்து
அதனை அவன்கண் விடல்.
3. ஓர்ந்துகண் ணோடாது இறைபுரிந்து யார்மாட்டும்
தேர்ந்துசெய் வஃதே முறை..

விடை :-
இதனை இதனால் இவன்முடிக்கும் என்றுஆய்ந்து
அதனை அவன்கண் விடல்.

திருக்குறள் – கூடுதல் வினாக்கள்

I. கோடிட்ட இடங்களை நிரப்புக

1. ___________ நின்று நடத்துவதே சிறந்த ஆட்சியாகும்
விடை : நடுவுநிலைமை
2. வையகம் என்பதற்கு ___________ என்பது பொருள்
விடை : உலகம்
3. இறை என்னும் சொல்லின் பொருள் ___________
விடை : அரசர்

II. பிரித்து எழுதுக

1. ஒத்தாங்கு = ஒத்து + ஆங்கு
2. இன்னச்சொல் = இன்னா + சொல்
3. கேளாரும் = கேள் +ஆரும்
4. தூய்மையவர் = தூய்மை + அவர்
5. கற்றறிந்தார் = கற்று + அறிந்தார்
6. தொகையறிந்த = தொகை + அறிந்த

III. சிறு வினா

1. செயலை எவ்வாறு நிறைவேற்ற வேண்டும்?

• செயலாற்றும் திறன் உடையவரையும் செய்ய வேண்டிய செயலையும் செய்வதற்குரிய காலத்தையும் ஆராய்ந்து அச்செயலை நிறைவேற்ற வேண்டும்.

2. அரசரின் ஆட்சியை எது காப்பாற்றும்?

• உலகத்து உயிர்களை எல்லாம் அரசர் காப்பாற்றுவார். அரசரை அவரது குற்றமற்ற ஆட்சி காப்பாற்றும்.

3. அரசனின் கடமை என்ன?

• ஒருவர் செய்த குற்றத்தை முறையாக ஆராய்ந்து அவர் மீண்டும் குற்றம் செய்யாதவாறு தண்டிப்பது அரசனின் கடமையாகும்.

4. சிறந்த சொல்லாற்றலின் இயல் என்ன?

• கேட்பவரைத் தன்வயப்படுத்துவதும் கேளாதவரைக் கேட்கத் தூண்டுவதும் சிறந்த சொல்லாற்றலின் இயல்பாகும்.

5. கற்றவரின் கல்வி எப்போது பெருமையடையும்?

• சொற்களை ஆராயும் அறிஞர் நிறைந்த அவையில் பேசும்போதுதான் கற்றவரின் கல்வி பெருமையடையும்.