8th Tamil Guide Unit 4 Book Back Question and Answers

8th Tamil Guide Lesson 4

Book Back Question and Answers 

TN Students Guide

Tamil Nadu State Board Syllabus 8th standard Lesson 4 Full Guide book back and additional question & answer. 8th Tamil Guide Lesson 4 Book Back Question and Answers, 8th Standard Tamil guide Unit 4 Book Back and additional Question and answers. 8th Standard Tamil Samacheer Kalvi Guide, 8th Tamil Answer key Notes, 8th Tamil book Answers. 

4.1. கல்வி அழகே அழகு

*கற்றோர்க்குக் கல்வி நலனே கலனல்லால் 

மற்றோர் அணிகலம் வேண்டாவாம் - முற்ற 

முழுமணிப் பூணுக்குப் பூண்வேண்டா யாரே 

அழகுக்கு அழகுசெய் வார்*

-குமரகுருபரர்

👉சொல்லும் பொருளும்

• கலன் – அணிகலன்
• முற்றை – ஒளிர
• வேண்டாவாம் – தேவையில்லை

நூல் வெளி

    குமரகுருபரர் பதினேழாம் நூற்றாண்டைச் சேர்ந்தவர். இவர் தமிழ்மொழிக்குப் பெருமை சேர்க்கும் பல சிற்றிலக்கியங்களைப் படைத்துள்ளார். கந்தர் கலிவெண்பா, கயிலைக் கலம்பகம், சகலகலாவல்லி மாலை, மீனாட்சியம்மை பிள்ளைத்தமிழ், முத்துக்குமாரசுவாமி பிள்ளைத்தமிழ் ஆகியன அவற்றுள் சிலவாகும்.

    மக்களின் வாழ்வுக்குத் தேவையான நீதிகளைச் சுட்டிக்காட்டுவதால் இந்நூல் நீதிநெறி விளக்கம் எனப் பெயர் பெற்றது. கடவுள் வாழ்த்து உட்பட 102 வெண்பாக்கள் இந்நூலில் உள்ளன. இந்நூலின் பதின்மூன்றாம் பாடல் நமக்குப் பாடப்பகுதியாகத் தரப்பட்டுள்ளது.

பாடலின் பொருள்

    ஒளிரும் மணிகளால் செய்யப்பட்ட அணிகலனுக்கு மேலும் அழகூட்ட வேறு அணிகலன்கள் தேவையில்லை; அதுபோலக் கல்வி கற்றவர்க்கு அவர் கற்ற கல்வியே அழகு தரும். ஆகையால் அழகு சேர்க்கும் பிற அணிகலன்கள் அவருக்குத் தேவையில்லை.

சரியான விடையைத் தேர்ந்தெடுத்து எழுதுக.

1. கற்றவருக்கு அழகு தருவது ____

1. தங்கம்
2. வெள்ளி
3. வைரம்
4. கல்வி

விடை : கல்வி

2. ‘கலனல்லால்’ என்னும் சொல்லைப் பிரித்து எழுதக் கிடைப்பது _____

1. கலன் + லல்லால்
2. கலம் + அல்லால்
3. கலன் + அல்லால்
4. கலன் + னல்லால்

விடை : கலன் + அல்லால்

சொற்றொடரில் அமைத்து எழுதுக

1. அழகு

• அகத்தின் அழகு முகத்தில் தெரியும்.

2. கற்றவர்

• கல்வி கற்றவர்கள் உலகில் சிறந்தவராய் விளங்குவார்கள்.

3. அணிகலன்

• மனிதனுக்கு கல்விதான் சிறந்த அணிகலன்

குறுவினா

யாருக்கு அழகு செய்ய வேறு அணிகலன்கள் தேவையில்லை?

• கல்வி கற்றவர்க்கு அவர் கற்ற கல்வியே அழகு தரும்.
• ஆகையால் அழகு சேர்க்கும் பிற அணிகலன்கள் அவருக்குத் தேவையில்லை.

சிறுவினா

நீதிநெறி விளக்கப்பாடல் கூறும் கருத்துகளைத் தொகுத்து எழுதுக.

• ஒளிரும் மணிகளால் செய்யப்பட்ட அணிகலனுக்கு மேலும் அழகூட்ட வேறு
• அணிகலன்கள் தேவையில்லை.கல்வி கற்றவர்க்கு அவர் கற்ற கல்வியே அழகு தரும்.ஆகையால் அழகு சேர்க்கும் பிற அணிகலன்கள் அவருக்குத் தேவையில்லை.

கல்வி அழகே அழகு – கூடுதல் வினாக்கள்

சரியான விடையைத் தேர்ந்தெடுத்து எழுதுக

1. குமரகுருபரரின் காலம் ______

1. கி.பி. 15
2. கி.பி. 17
3. கி.பி. 18
4. கி.பி. 16

விடை : கி.பி. 17

2. நீதிநெறி விளக்கத்தில் உள்ள வெண்பாக்கள்  ______

1. 100
2. 102
3. 103
4. 104

விடை : 102

3. “அழகு” என்பதற்கு பொருள்  ______

1. எழில்
2. வாய்மை
3. பொய்
4. நேர்மை

விடை : எழில்

3. “கலன்” என்பதற்கு பொருள்  ______

1. அழகு
2. வனப்பு
3. அணிகலன்
4. பாவை

விடை : அணிகலன்

எதிர்சொல் தருக

• கற்றோர் x கல்லாதோர்
• அழகு x அழகற்ற
• ஒளி x இருள்
• தேவை x தேவையற்ற
• சேர்க்கும் x நீக்கும்
• படைத்தல் x அழித்தல்

“கல்வி அழகே அழகு” என்ற பாடலில் உள்ள எதுகை, மோனைச் சொற்களை கூறுக.

மோனைச் சொற்கள் :-

• கற்றோர் – கல்வி – கலனல்லால்
• முற்ற – முழுமணி
• பூணுக்கு – பூண்வேண்டா
• அழகுக்கு – அழகு

எதுகைச் சொற்கள் :-

• நலனே – கலனல்லால்
• அழகுக்கு – அழகு

குறு வினா

1. குமரகுருபரர் எந்த நூற்றாண்டைச் சேர்ந்தவர்?

• குமரகுருபரர் பதினேழாம் நூற்றாண்டைச் சேர்ந்தவர்.

2. நீதிநெறி விளக்கம் என பெயர் பெறக் காரணம் யாது?

• மக்களின் வாழ்வுக்கு தேவையான நீதிகளை சுட்டிக் காட்டுவதால் இந்நூல் நீதிநெறி விளக்கம் எனப் பெயர் பெற்றது.

3. நீதிநெறி விளக்கத்தில் எத்தனை வெண்பாக்கள் உள்ளது?

• நீதிநெறி விளக்கத்தில் 102 வெண்பாக்கள் உள்ளது.

சிறு வினா

1. மனிதர்கள் பயன்படுத்திய உலோகங்கள் எதனால் செய்யப்பட்டவை?

• மனிதர்கள் தங்களை அழகுபடுத்திக் கொள்ள எண்ணற்ற அணிகலன்களைப் பயன்படுத்துகின்றனர்.
• அவை தங்கம், வெள்ளி போன்ற விலைமதிப்பு மிக்க உலோகங்களால் செய்யப்பட்டவையாக உள்ளன.

2. குமரகுருபரர் படைத்துள்ள சிற்றிலக்கியங்கள் எவை?

• சுந்தர் கலிவெண்பா
• கயிலைக் கலம்பகம்
• சகலகலாவல்லி மாலை
• மீனாட்சியம்மை பிள்ளைத்தமிழ்
• முத்துக்குமாரசுவாமி பிள்ளைத்தமிழ்

3. குமரகுருபரர் – குறிப்பு வரைக

• குமரகுருபரர் பதினேழாம் நூற்றாண்டைச் சேர்ந்தவர்.
• இவர் தமிழ் மொழிக்கு பெருமை சேர்க்கும் பல சிற்றிலக்கியங்களை படைத்துள்ளார்.
• சுந்தர் கலிவெண்பா, கயிலைக் கலம்பகம், சகலகலாவல்லி மாலை, மீனாட்சியம்மை பிள்ளைத்தமிழ், முத்துக்குமாரசுவாமி பிள்ளைத்தமிழ் ஆகியன அவற்றுள் சிலவாகும்.

கூடுதல் வினாக்கள

நிரப்புக :

• 1. ஒளிரும் மணிகளால் செய்யப்பட்டது ………………………

• 2. குமரகுருபரர் ………………….. நூற்றாண்டைச் சேர்ந்தவர்.

• 3. கந்தர் கலிவெண்பாவை இயற்றியவர் ……………………

• 4. குமரகுருபரர் இயற்றிய பிள்ளைத்தமிழ் நூல்கள் ………………………………

• 5. நீதிநெறி விளக்கம் ……………….. வெண்பாக்களை உடையது.

• 6. மக்களின் வாழ்வுக்குத் தேவையான நீதிகளைச் சுட்டிக்காட்டும் குமரகுருபரரின் நூல் ……………………….

• 7. கற்றவருக்கு அழகு சேர்க்க …………………….. தேவையில்லை.

Answer:

• 1. அணிகலன்
• 2. பதினேழாம்
• 3. குமரகுருபரர்
• 4. மீனாட்சியம்மை பிள்ளைத்த முத்துக்குமாரசுவாமி பிள்ளைத்தமிழ்
• 5. 102
• 6. நீதிநெறி விளக்கம்
• 7. அணிகலன்கள்

விடையளி :

1.குமரகுருபரர் பற்றி எழுதுக.

(i) குமரகுருபரர் பதினேழாம் நூற்றாண்டைச் சேர்ந்தவர்.
(ii) இவர் தமிழ் மொழிக்கு பெருமை சேர்க்கும் பல சிற்றிலக்கியங்களைப் படைத்துள்ளார்.

2.குமரகுருபரர் இயற்றிய நூல்கள் யாவை?

இயற்றிய நூல்கள் :
(i) கந்தர் கலிவெண்பா
(ii) கயிலைக் கலம்பகம்
(iii) சகலகலாவல்லி மாலை
(iv) மீனாட்சியம்மை பிள்ளைத்தமிழ்
(v) முத்துக்குமாரசுவாமி பிள்ளைத்தமிழ்

3.நீதிநெறி விளக்கம் – பெயர்க்காரணம் எழுதுக.

மக்களின் வாழ்வுக்குத் தேவையான நீதிகளைச் சுட்டிக்காட்டுவதால் இந்நூல் ‘நீதி நெறி விளக்கம் எனப் பெயர் பெற்றது. இந்நூலில் கடவுள் வாழ்த்து உட்பட 102 வெண்பாக்கள் உள்ளன.

கல்வி கரையில கற்பவர் நாள் சில

மெல்ல நினைக்கின் பிணி பல தெள்ளிதின்

ஆராய்ந் தமைவுடைய கற்பவே நீரொழியப்

பாலுண் குருகின் தெரிந்து

**************THE END OF 4.1*****************

1.2. புத்தியைத் தீட்டு

கத்தியைத் தீட்டாதே - உந்தன்

புத்தியைத் தீட்டு

கண்ணியம் தவறாதே - அதிலே 

திறமையைக் காட்டு!

ஆத்திரம் கண்ணை

மறைத்திடும் போது

அறிவுக்கு வேலை கொடு உன்னை

அழித்திட வந்த

பகைவன் என்றாலும் 

அன்புக்குப் பாதை விடு!                         (கத்தியைத்)

மன்னிக்கத் தெரிந்த

மனிதனின் உள்ளம் 

மாணிக்கக் கோயிலப்பா - இதை

மறந்தவன் வாழ்வு

தடம் தெரியாமல் 

மறைந்தே போகுமப்பா!            (கத்தியைத்)

இங்கே இருப்பது சில காலம் 

இதனால் உண்டோ ஒரு லாபம் – இதை

இதற்குள் ஏனோ அகம்பாவம்

எண்ணிப்பாரு தெளிவாகும்!     (கத்தியைத்) 

-ஆலங்குடி சோமு

சொல்லும் பொருளும்

• தடம் – அடையாளம்
• அகம்பாவம் – செருக்கு
• புத்தி – அறிவு
• பாதை – அறிவு
• உள்ளம் – மனம்
• லாபம் – பலன்
• எண்ணி – நினை

நூல் வெளி

    ஆலங்குடி சோமு திரைப்படப் பாடல் ஆசிரியராகப் புகழ்பெற்றவர். சிவகங்கை மாவட்டத்திலுள்ள ஆலங்குடி என்னும் ஊரில் பிறந்தவர். தமிழ்நாடு அரசின் கலைமாமணி விருது பெற்றவர். இவரது திரையிசைப் பாடல் ஒன்று இங்குத் தரப்பட்டுள்ளது.

சரியான விடையைத் தேர்ந்தெடுத்து எழுதுக.

1. என் நண்பர் பெரும் புலவராக இருந்தபோதும் _____ இன்றி வாழ்ந்தார்.

1. சோம்பல்
2. அகம்பாவம்
3. வருத்தம்
4. வெகுளி

விடை : அகம்பாவம்

2. ‘கோயிலப்பா ‘ என்னும் சொல்லைப் பிரித்து எழுதக் கிடைப்பது _____.

1. கோ + அப்பா
2. கோயில் + லப்பா
3. கோயில் + அப்பா
4. கோ + இல்லப்பா

விடை : கோயில் + அப்பா

3. பகைவன் + என்றாலும் என்பதனைச் சேர்த்தெழுதக் கி்டைக்கும் சொல் _____.

1. பகைவென்றாலும்
2. பகைவனென்றாலும்
3. பகைவன்வென்றாலும்
4. பகைவனின்றாலும்

விடை : பகைவனென்றாலும்

குறு வினா

1. யாருடைய உள்ளம் மாணிக்கக் கோயில் போன்றது?

• மன்னிக்கத் தெரிந்த மனிதனின் உள்ளம் மாணிக்கக் கோயில் போன்றது ஆகும்

2. பகைவர்களிடம் நாம் நடந்துகொள்ள வேண்டிய முறை யாது?

• பகைவர்களிடம் நாம் நடந்துகொள்ள வேண்டிய முறை அன்பு காட்டுவது ஆகும்

சிறு வினா

புத்தியைத் தீட்டி வாழ வேண்டிய முறைகளாகக் கவிஞர் கூறுவன யாவை?

• கண்ணியம் தவறாமல் எடுத்த செயலில் தன்னுடைய திறமையைக் காட்ட வேண்டும்.
• ஆத்திரம் கண்ணை மறைந்து விடும் என்பதால் அறிவுக்கு வேலை கொடுத்து அமைதி காக்க வேண்டும்.
• பகைவன் அடிக்க வந்தாலும், அவரிடம் அன்பு காட்டி அரவணைக்க வேண்டும்.
• மன்னிக்கத் தெரிந்த மனிதனின் உள்ளம் மாணிக்கக் கல் போன்றது.
• இதனை மறந்து வாழ்பவன் வாழ்க்கை, தடம் தெரியாமல் மறைந்து போய்விடும்.
• வாழும் வாழ்க்கை சில காலமே! அதற்குள் ஏன் அகம்பாவம்? இதனால் இலாபமும் கிடைக்காது. எனவே, அகம்பாவத்தைக் காட்டாமல் வாழ வேண்டும்.
• இவற்றை எண்ணிப் பார்த்தால் வாழ்க்கை தெளிவாகும்.

புத்தியைத் தீட்டு – கூடுதல் வினாக்கள்

I. கோடிட்ட இடங்களை நிரப்புக

1. ஆலங்குடி சோமு தமிழ்நாடு அரசின் _______________ விருதினை பெற்றவர்

விடை : கலைமாமணி

2. _______________ என்ற கவிதை தொகுப்பினை எழுதியவர் ஆலங்குடி சோமு

விடை : புத்தியைத் தீட்டு

3. தீட்ட வேண்டியது _______________ ஆலங்குடி சோமு குறிப்பிடுகிறார்

விடை : புத்தியென

4. பகைவனிடம் _______________ காட்ட வேண்டும்.

விடை : அன்பு

5. மன்னிக்கத் தெரிந்த மனிதனின் உள்ளம் _______________ போன்றது.

விடை : மாணிக்கக்கல்

6. கண்ணியம் தவறாமல் எடுத்த செயலில் தன்னுடைய _______________ காட்ட வேண்டும்.

விடை : திறமையைக்

II. பிரித்து எழுதுக

1. எண்ணிப்பாரு = எண்ணி + பாரு
2. தெளிவாகும் = தெளிவு + ஆகும்
3. கோயிலப்பா = கோயில் + அப்பா
4. போகுமப்பா = போகும் + அப்பா

III. “புத்தியைத் தீட்டு” பாடல் பகுதியில் உள்ள எதுகை மோனைச் சொற்களை எடுத்து எழுதுக

மோனைச் சொற்கள் :-

• தீட்டாதே – தீட்டு
• அறிவு – அழித்திட
• மன்னிக்க – மனிதனின்
• இங்கே – இருப்பது
• இதற்குள் – இதனால்

எதுகைச் சொற்கள் :-

• தீட்டாதே – தீட்டு
• கத்தியை – புத்தியை
• என்றாலும் – அன்புக்கு
• இதற்குள் – இதனால்

IV. குறு வினா

1. எவ்வாறு தன்னுடைய திறமையைக் காட்ட வேண்டும்?

• கண்ணியம் தவறாமல் எடுத்த செயலில் தன்னுடைய திறமையைக் காட்ட வேண்டும்.

2. எதற்காக அறிவுக்கு வேலை கொடுத்து அமைதி காக்க வேண்டும்?

• ஆத்திரம் கண்ணை மறைந்து விடும் என்பதால் அறிவுக்கு வேலை கொடுத்து அமைதி காக்க வேண்டும்.

3. யாருடைய வாழ்க்கை, தடம் தெரியாமல் மறைந்து போய்விடும்?

• மன்னிக்க மறந்து வாழ்பவன் வாழ்க்கை, தடம் தெரியாமல் மறைந்து போய்விடும்.

4. எவற்றை எண்ணிப் பார்க்க வேண்டும்?

• பூமியல் வாழ்வது சில காலமம். அதற்குள் ஏன் அகம்பாவம்? அகம்பாவத்தால் இலாபமும் கிடைக்காது. எனவே இவற்றை மனிதர்கள் எண்ணிப் பார்க்க வேண்டும்.

5. நமக்குப் பெருமை என்பது எது?

• அறிவினாலும் அன்பினாலும் பிறரை வெல்லும் வெற்றியே நமக்குப் பெருமை ஆகும்

6. ஆலங்குடி சோமு – குறிப்பு வரைக

• ஆலங்குடி சோமு திரைப்படப் பாடல் ஆசிரியராக புகழ் பெற்றவர்
• சிவகங்கை மாவட்டத்திலுள் ஆலங்குடி என்னும் ஊரில் பிறந்தவர்
• தமிழ்நாடு அரசின் கலைமாமணி விருது பெற்றவர்

கூடுதல் வினாக்கள்

நிரப்புக :

• 1. ஆலங்குடி சோமு ………………………… ஆசிரியராகப் புகழ் பெற்றவர்.
• 2. ஆலங்குடி சோமு தமிழ்நாடு அரசின் ………………….. விருது பெற்றவர்.
• 3. தீட்ட வேண்டியது ……………………
• 4. …………………… கண்ணை மறைத்துவிடும்.
• 5. மன்னிக்கத் தெரிந்தவனின் உள்ளம் ……………………..
• 6. அகம்பாவத்தினால் ஒரு …………………….. இல்லை.
• 7. பகைவனிடமும் ……………….. காட்ட வேண்டும்.

Answer:

• 1. திரைப்படப் பாடல்
• 2. கலைமாமணி
• 3. புத்தி
• 4. ஆத்திரம்
• 5. மாணிக்கக் கோயில்
• 6. லாபமும்
• 7. அன்பு

விடையளி:

1.ஆலங்குடி சோமு – குறிப்பு வரைக.
Answer:
(i) ஆலங்குடி சோமு திரைப்படப் பாடல் ஆசிரியராகப் புகழ்பெற்றவர்.
(ii) சிவகங்கை மாவட்டத்திலுள்ள ஆலங்குடி என்னும் ஊரில் பிறந்தவர்.
(iii) தமிழ்நாடு அரசின் கலைமாமணி விருது பெற்றவர்.

***********THE END OF 4.2************

 4.3. பல்துறைக் கல்வி

தெரிந்து தெளிவோம்

கல்வி என்பது வருவாய் தேடும் வழிமுறை அன்று. அது மெய்ம்மையைத் தேடவும் அறநெறியைப் பயிலவும் மனித ஆன்மாவுக்குப் பயிற்சியளிக்கும் ஒரு நெறிமுறையாகும்.

- விஜயலட்சுமி பண்டிட் 

ஐ. நா. அவையின் முதல் பெண் தலைவர்

தெரிந்து தெளிவோம்

ஏடன்று கல்வி; சிலர் எழுதும் பேசும் இயலன்று கல்வி; பலர்க் கெட்டா தென்னும் வீடன்று கல்வி; ஒரு தேர்வு தந்த விளைவன்று கல்வி; அது வளர்ச்சி வாயில் 

-குலோத்துங்கன்

நூல் வெளி

    திரு.வி.க. என்று அனைவராலும் குறிப்பிடப்படும் திருவாரூர் விருத்தாசலம் கல்யாணசுந்தரனார் அரசியல், சமுதாயம், சமயம், தொழிலாளர் நலன் எனப் பல துறைகளிலும் ஈடுபாடு கொண்டவர்; சிறந்த மேடைப் பேச்சாளர்; தமிழ்த்தென்றல் என்று அழைக்கப்படுபவர். இவர் மனித வாழ்க்கையும் காந்தியடிகளும், பெண்ணின் பெருமை, தமிழ்ச்சோலை, பொதுமை வேட்டல், முருகன் அல்லது அழகு உள்ளிட்ட பல நூல்களை எழுதியுள்ளார்.

    இவரது இளமை விருந்து என்னும் நூலிலிருந்து சிலபகுதிகள் தொகுத்துத் தரப்பட்டுள்ளன.

சரியான விடையைத் தேர்ந்தெடுத்து எழுதுக.

1. அறியாமையை நீக்கி அறிவை விளக்குவது _____.

1. விளக்கு
2. கல்வி
3. விளையாட்டு
4. பாட்டு

விடை : கல்வி

2. கல்விப் பயிற்சிக்குரிய பருவம் ______.

1. இளமை
2. முதுமை
3. நேர்மை
4. வாய்மை

விடை : இளமை

3. இன்றைய கல்வி _____ நுழைவதற்குக் கருவியாகக் கொள்ளப்பட்டு வருகிறது.

1. வீட்டில்
2. நாட்டில்
3. பள்ளியில்
4. தொழிலில்

விடை : தொழிலில்

கோடிட்ட இடங்களை நிரப்புக.

1. கலப்பில் _______________ உண்டென்பது இயற்கை நுட்பம்.
விடை : வளர்ச்சி
2. புற உலக ஆராய்ச்சிக்கு _______________ கொழுகொம்பு போன்றது.
விடை : அறிவியல்
3. வாழ்விற்குரிய இன்பத்துறைகளில் தலையாயது _______________ இன்பம் ஆகும்.
விடை : காவிய

பொருத்துக.

1. இயற்கை ஓவியம் – சிந்தாமணி
2. இயற்கை தவம் – பெரியபுராணம்
3. இயற்கைப் பரிணாமம் – பத்துப்பாட்டு
4. இயற்கை அன்பு – கம்பராமாயணம்

விடை : 1 – இ, 2 – அ, 3 – ஈ, 4 – ஆ

குறுவினா

1. இன்றைய கல்வியின் நிலை பற்றித் திரு. வி. க. கூறுவன யாவை?

• இன்றைய கல்வி குறிப்பிட்ட பாடங்களை நெட்டுற (மனப்பாடம்) செய்து தேர்வில் தேறி, பட்டம் பெற்று, ஒரு தொழிலில் நுழைவதற்கு ஒரு கருவியாக கொள்ளப்பட்டு வருகிறது.
• நாளடைவில் அக்கல்விக்கும், வாழ்விற்கும் தொடர்பு இல்லாமல் போகிறது என்று திரு.வி.க. கூறுகிறார்

2. தாய்நாடு என்னும் பெயர் எவ்வாறு பிறக்கிறது?

• தாய்நாடு என்னும் பெயர் தாய்மொழியைக் கொண்டே பிறக்கிறது?

3. திரு. வி. க. சங்கப் புலவர்களாகக் குறிப்பிடுபவர்களின் பெயர்களை எழுதுக.

• இளங்கோவடிகள்
• திருத்தக்கத்தேவர்
• திருஞானசம்பந்தர்
• ஆண்டாள்
• சேக்கிழார்
• கம்பர்
• பரஞ்சோதி

சிறு வினா

1. தமிழ்வழிக் கல்வி பற்றித் திரு. வி. க. கூறுவனவற்றை எழுதுக.

• கலப்பில் வளர்ச்சி உண்டு என்பது இயற்கை நுட்பம்.
• தமிழை வளர்க்கும் முறையிலும், அளவிலும் கலப்பைக் கொள்வது சிறப்பி.
• ஆகவே, தமிழ் மொழியில் அறிவுக் கலைகள் இல்லை என்னும் பழம்பாட்டை நிறுத்தி, அக்கலைகளைத் தமிழில் பெயர்த்து எழுதித் தாய்மொழிக்கு ஆக்கம் தேடுவோம் என்னும் புதுப்பாட்டு பாடுமாறு சகோதரர்களை கேட்டுக் கொள்கிறேன்.
• கலைகள் யாவும் தாய்மொழி வழி மாணாக்கர்களுக்கு அறிவுறுத்தப்படும் காலமே தமிழ்தாய் மீண்டும் அரியாசனம் ஏறும் காலமாகும் என்று திரு.வி.க. கூறுகின்றார்.

2. அறிவியல் கல்வி பற்றித் திரு. வி. க. கூறுவன யாவை?

• உலக வாழ்விற்கு மிக மிக இன்றியமையாதது ’அறிவியல்’
• உடற்கூறு, உடலோம்பு முறை, பூதபௌதிகம், மின்சாரம், நம்மைச் சூழ்ந்துள்ள செடி, கொடி, பறவை, விலங்கு முதலியவற்றை பற்றிய அறிவும், கோள் இயக்கம், கணிதம், அகத்திணை முதலிய அறிவும் நமக்கு வேண்டும்.
• இந்நாளில் அத்தகைய அறிவு தேவை. புற உலகு ஆராய்சிக்கு அறிவியல் கொழுகொம்பு போன்றது.
• நம் முன்னோர் கண்ட பல உண்மைகள் அறிவியல் அரணின்றி, இந்நாளில் உறுதி பெறலரிது.
• இக்கால உலகத்தோடு உறவு கொள்வதற்கும் அறிவியல் தேவை.
• ஆகவே, அறிவியல் என்றும் அறிவுக்கலை இளைஞர்கள் உலகில் பரவ வேண்டும் என்று திரு.வி.க. கூறுகிறார்

நெடு வினா

காப்பியக் கல்வி குறித்துத் திரு. வி. க. கூறும் செய்திகளைத் தொகுத்து எழுதுக.

• வாழ்விற்குரிய இன்பத்துறைகளுள் காவிய இன்பமும் ஒன்று. அதுவே முதன்மையானது என்றும் கூறலாம்.
• நாம் தமிழர்கள். நாம் பாட்டு இன்பத்தை நுகர வேண்டும். அதற்காகத் தமிழ் இலக்கியங்களுக்கு இடையே செல்ல வேண்டும். தமிழ் இலக்கியங்கள் பலப்பல
• இருக்கின்றைன.
• இயற்கை ஓவியம் பத்துப்பாட்டு, இயற்கை இன்பக்கலம் கலித்தொகை, இயற்கை வாழ்வில்லம் திருக்குறள், இயற்கை இன்ப வாழ்வு நிலையங்கள் சிலப்பதிகாரமும் மணிமேகலையும், இயற்கைத தவம் சிந்தாமணி, இயற்கைப்
• பரிணாமம் கம்பராமாயணம், இயற்கை அன்பு பெரியபுராணம், இயற்கை இறையுறையுள் தேவார திருவாசக திருவாய் மொழிகள்
• இத்தமிழக் கருவூலங்களை உன்ன உன்ன உள்ளத்திலும் வரும் இன்ப அன்பைச் சொல்லால் சொல்ல இயலாது.
• இளைஞர்களே! தமிழ் இளைஞர்களே பெறற்கரிய இன்ப நாட்டில் பிறக்கும் பேறு பெற்றிருக்கிறீர்கள். தமிழ் இன்பத்தில் சிறந்த இன்பம் இவ்வுலகில் உண்டோ? தமிழ்க் காவியஙகளை படியுங்கள். இன்பம் நுகருங்கள் என்று திரு.வி.க. காப்பியக் கல்வி பற்றி கூறுகிறார்.

பல்துறைக் கல்வி – கூடுதல் வினாக்கள்

I. கோடிட்ட இடங்களை நிரப்புக.

1. கேடில் விழுச்செல்வம் _______________
விடை : கல்வி
2. இளமையில் கல் என்பது _______________
விடை : முதுமொழி
3. _______________ நீக்கி அறிவை விளக்குவது கல்வி.
விடை : அறியாமையை
4. _______________ முதலியனவும் கல்வியின் பாற்பட்டனவே
விடை : தொழிற்கல்வி
5. கல்வி என்பது _______________ தேடும் வழிமுறை அன்று.
விடை : வருவாய்
6. தாய்மொழி வாயிலாக _______________ வேண்டும்.
விடை : கல்வி பயிலுதல்

II. குறுவினா

1. எதற்கு அடிப்படையாய் விளங்குவது கல்வி ஆகும்?

• மனிதன் விலங்கிலிருந்து மாறுபட்டு உயர்ந்து நிற்பதற்கு அடிப்படையாய் விளங்குவது கல்வி ஆகும்.

2. கல்வி எவற்றில் பெரும்பங்கு வகிக்கிறது?

• மனித சமுதாயத்தின் வளர்ச்சியிலும் அதைச் சீர்திருத்தி இட்டுச் செல்வதிலும் கல்வி பெரும்பங்கு வகிக்கிறது.

3. விஜயலட்சுமி பண்டிட் கல்வி பற்றி கூறிய கருத்து யாது?

• கல்வி என்பது வருவாய் தேடும் வழிமுறை அல்ல. அது மெய்ம்மையைத் தேடவும், அறநெறியைப் பயிலவும், மனித ஆன்மாவுக்கு பயிற்சியளிக்கும் ஒரு நெறிமுறையாகும்

4. இயற்கை இன்ப வாழ்வு நிலைகள் எவை?

• சிலப்பதிகாரம்
• மணிமேகலை

கூடுதல் வினாக்கள்

நிரப்புக :

• 1. அறிவே ………………… என்பது ஆன்றோர் கூற்று.
• 2. ஒரு மனிதனை வாழ்வில் உயரச் செய்பவை ……………………
• 3. கேடில் விழுச்செல்வம் ………………..
• 4. அறியாமையை நீக்கி அறிவை வளர்ப்பது ……………… எனப்படும்.
• 5. ……………… மட்டும் கல்வி ஆகாது.
• 6. கல்வி என்பது …………………… தேடும் வழிமுறையன்று.
• 7. ஒவ்வொருவரும் அவரவர் ……………… வாயிலாகக் கல்வி பெறுவதே சிறப்பு.
• 8. வாழ்விற்குரிய இன்பத்துறைகளுள் ………………. ஒன்று.
• 9. இயற்கை ஓவியம் ……………………
• 10. இயற்கை இன்பக்கலம் …………………….
• 11. இயற்கை வாழ்வில்லம் ……………….
• 12. இயற்கை இன்பவாழ்வு நிலையங்கள் ……………………
• 13. இயற்கைத் தவம் …………………
• 14. இயற்கைப் பரிணாமம் …………………..
• 15. இயற்கை அன்பு ………………..

Answer:

• 1. ஆற்றல்
• 2. அறிவும் உழைப்பும்.
• 3. கல்வி
• 4. கல்வி
• 5. ஏட்டுக்கல்வி
• 6. வருவாய்
• 7. தாய்மொழி
• 8. காவிய இன்பமும்
• 9. பத்துப்பாட்டு
• 10. கலித்தொகை
• 11. திருக்குறள்
• 12. சிலப்பதிகாரமும் மணிமேகலையும்
• 13. சிந்தாமணி
• 14. கம்பராமாயணம்
• 15. பெரியபுராணம்

விடையளி :

1.நாடகக்கல்வி பற்றி திரு.வி.க.வின் கருத்து யாது?

• நாடகக்கல்வி வாழ்விற்கு வேண்டா என்று யான் கூறேன். இடைக்காலத்தில் நாடகக் கலையால் தீமை விளைந்தபோது அதைச் சிலர் அழிக்க முயன்றதுண்டு. இப்போதைய நாடகம் நன்னிலையில்லை என்பதை ஈண்டு விளக்க வேண்டுவதில்லை. நாடகத்துக்கு நல்வழியில் புத்துயிர் வழங்க வேண்டும். நாடகத்தை நல்வழிப்படுத்தி மாணாக்கரை அதன்கண் தலைப்படுமாறு செய்யத் தமிழ்ப் பெரியோர் முயல்வாராக.

2.திரு.வி.க. – சிறுகுறிப்பு வரைக.

• திரு.வி.க. என்று அனைவராலும் குறிப்பிடப்படும் திருவாரூர் விருத்தாசலம் கல்யாணசுந்தரனார் அரசியல், சமுதாயம், சமயம், தொழிலாளர் நலன் எனப் பல துறைகளிலும் ஈடுபாடு கொண்டவர்; சிறந்த மேடைப் பேச்சாளர்; தமிழ்த்தென்றல் என்றும் அழைக்கப்படுகிறார்.
• இவர், மனித வாழ்க்கையும் காந்தியடிகளும், பெண்ணின் பெருமை, தமிழ்ச்சோலை, பொதுமை வேட்டல், முருகன் அல்லது அழகு, இளமை விருந்து உள்ளிட்ட பல நூல்களை எழுதியுள்ளார்.

3.எது கல்வியாகாது என்று திரு.வி.க. கூறுகிறார்?

• இந்நாளில் ஏட்டுக் கல்வியே கல்வி என்னும் ஒரு கொள்கை எங்கும் நிலவி வருகிறது. ஏட்டுக் கல்வி மட்டும் கல்வி ஆகாது.
• இந்நாளில் கல்வியென்பது பொருளற்றுக் கிடக்கிறது.
• குறிப்பிட்ட பாடங்களை நெட்டுருச் செய்து, தேர்வில் தேறிப் பட்டம் பெற்று, ஒரு தொழிலில் நுழைவதற்குக் கல்வி ஒரு கருவியாகக் கொள்ளப்பட்டு வருகிறது.
• நாளடைவில் அக்கல்விக்கும் வாழ்விற்கும் தொடர்பில்லாமல் போகிறது. இது கல்வியாகாது என்று திரு.வி.க. கூறுகிறார்.

4.இசைக்கல்வி பற்றித் திரு.வி.க. கூறுவன யாவை?

• இன்றைய சூழலில் இசைப்பயிற்சியும் இன்றியமையாதது. இசை பாட இயற்கை சிலருக்குத் துணை செய்யும்; சிலருக்கு துணை செய்வதில்லை. அத்துணை பெறாதார் இசை இன்பத்தையாதல் நுகரப் பயில்வாராக.
• பழைய தமிழர் இசைத்துறையின் நிலை கண்டவர் என்று ஈண்டு இறுமாந்து கூறுகிறேன்.
• தமிழ் யாழையும் குழலையும் என்னென்று சொல்வது? அந்த ழகரங்களை நினைக்கும் போதே அமிழ்தூறுகிறது. கொடிய காட்டு வேழங்களையும் பாணர் தம் யாழ் மயக்குறச் செய்யுமாம்.
• அந்த யாழ் எங்கே? இனி இசைப் புலவர்தொகை நாட்டிற் பெருகப் பெருக நாடு பல வழியிலும் ஒழுங்கு பெறுதல் ஒருதலை. ஆகவே அத்துறை மீதும் மாணவர் கருத்துச் செலுத்த வேண்டும்

• இன்றைய சூழலில் இசைப்பயிற்சியும் இன்றியமையாதது. இசை பாட இயற்கை சிலருக்குத் துணை செய்யும்; சிலருக்கு துணை செய்வதில்லை. அத்துணை பெறாதார் இசை இன்பத்தையாதல் நுகரப் பயில்வாராக.
• பழைய தமிழர் இசைத்துறையின் நிலை கண்டவர் என்று ஈண்டு இறுமாந்து கூறுகிறேன்.
• தமிழ் யாழையும் குழலையும் என்னென்று சொல்வது? அந்த ழகரங்களை நினைக்கும் போதே அமிழ்தூறுகிறது. கொடிய காட்டு வேழங்களையும் பாணர் தம் யாழ் மயக்குறச் செய்யுமாம்.
• அந்த யாழ் எங்கே? இனி இசைப் புலவர்தொகை நாட்டிற் பெருகப் பெருக நாடு பல வழியிலும் ஒழுங்கு பெறுதல் ஒருதலை. ஆகவே அத்துறை மீதும் மாணவர் கருத்துச் செலுத்த வேண்டும்

5.திரு.வி.க. இயற்றிய நூல்கள் யாவை?

• மனித வாழ்க்கையும் காந்தியடிகளும்
• பெண்ணின் பெருமை
• தமிழ்ச்சோலை
• பொதுமை வேட்டல்
• முருகன் அல்லது அழகு
• இளமை விருந்து.

************THE END OF 4.3**************

4.4 ஆன்று குடிப்பிறத்தல்

மதிப்பீடு

1.திருக்குறளின் கருத்தைப் பின்பற்றி நடந்த சகாதேவன் கதையைச் சுருக்கி எழுதுக.

முன்னுரை :

• குறள் வழிக் கதை மூலம் மாணவன் ஒருவன் நடந்து கொண்ட விதமும் ஊராரின் எண்ணங்களும் ஆசிரியரின் நல்ல முடிவு பற்றியும் இக்கட்டுரையில் காண்போம்.

ஆசிரியரின் வேட்டி :

• ஆசிரியர் ஒருநாள் தனது வேட்டியைத் துவைத்து கொடிக்கயிற்றில் காயப் போட்டுவிட்டுப் பள்ளிக்குச் சென்றார். பிறகு வந்து பார்த்தபோது வேட்டியைக் காணவில்லை. ஊராரில் சிலர் சிகாமணிதான் எடுத்திருப்பார் என்று சந்தேகத்துடனும் சிலர் உறுதியுடனும் கூறினர். சிகாமணியின் தந்தையும் பிறர் பொருளை எடுத்துக் கொள்ளும் குணம் கொண்டவர். அதனால் அவரது பழக்கம் இவரைத் தொற்றிக் கொண்டது என்றனர்.

வகுப்பறையில் ஆசிரியர் :

• ஆசிரியருக்கு வேட்டியின் மர்மம் விளங்கவில்லை. அன்று வகுப்பறையில் பண்புடைமை’ என்ற அதிகாரத்திலுள்ள குறட்பாவை நடத்தத் தொடங்கினார். ‘ஆன்ற குடிபிறத்தல்’ என்ற தொடருக்குப் பொருள் கூறும்போது வகுப்பிலிருந்த சிகாமணியின் மகன் சகாதேவன் ஆசிரியரை கூர்ந்து நோக்கினான். ஆசிரியரும் அவனை அடிக்கடி பார்த்தார்.

குறள்வழி அறிவுரை :

• “ஆன்ற குடிப்பிறத்தல்’ என்றால் சிறந்த குடி உன்னிடமிருந்து தொடங்கட்டும். அப்பன் திருடனாயிருக்கலாம். மகன் நல்லவனாக இருப்பான். அவங்க அப்பனைச் சொல், திருடன்தான்! அவன் பையனைச் சொல்லாதே, அவன் மிக நல்லவன் என்று உலகோர் பேசுவர். அதுபோல் கெட்டப்பழக்கங்கள் தந்தையுடன் செல்லட்டும். உன்னிலிருந்து நல்ல புதிய குடி உதிக்கட்டும்” என்றார். மேலும் “ஒழுக்கம் இல்லாத பரம்பரையில் நீ வந்திருந்தாலும் ஒழுக்கத்தின் உறைவிடமாக நீ இருக்கவேண்டும்” என்று கூறினார்.

உணவு இடைவேளை :

• உணவு இடைவேளையில் ஆசிரியர் வீட்டிற்குச் சென்றார். அப்போது கிருஷ்ணமூர்த்தி என்ற மாணவன் சகாதேவன் கொடுக்கச் சொன்னதாக வேட்டியைக் கொடுத்தான். பிறகு ‘வேட்டியைச் சிகாமணிதான் எடுத்தார் என்றும் தானே ஆசிரியரிடம் கொடுப்பதற்கு வெட்கப்படுவதாகவும், சகாதேவன் கூறியதாகக் கூறினான்.

உண்மை அறிந்த ஊரார் :

• சிகாமணிதான் திருடன் என அறிந்ததும் ஊரார் அவரைத் தண்டிக்கத் தொடங்கினர். ஆசிரியர் தடுத்துவிட்டார். சிகாமணியைத் தண்டித்தால் அவன் அவனுடைய மகனான சகாதேவனைத் தண்டிப்பான். அதனை சகாதேவன் நேர்மைக்குக் கிடைத்த பலனாகக் கருதி வருந்துவான்” என்று தடுத்தமைக்குக் காரணம் கூறினார்.

மறுத்த ஊரார் :

• “அவனைவிடக்கூடாது சார்!” என்று கடைசிவரை ஒருவர் சொல்லிக்கொண்டே இருந்தார். ஆனால் ஆசிரியர் இறுதியில் “நீங்கள் தண்டனைதான் கொடுக்க வேண்டுமெனில், நான் என் வேட்டியே திருடு போகவில்லை என்று கூறுவேன்” என்றார்.

முடிவுரை :

• ஒருவிதமாக ஊரார் ஆசிரியரின் கருத்தைப் புரிந்து கொண்டனர். சிகாமணி, சகாதேவன், ஆசிரியர் மூவரும் தப்பித்தனர்.

கற்பவை கற்றபின்

1.திருக்குறள் கருத்துகளை உணர்த்தும் கதைகளை அறிந்து வந்து வகுப்பில் பகிர்க.

குறள் :

உலகத்தோடு ஒட்ட ஒழுகல் பலகற்றும்
கல்லார் அறிவிலா தார்.

உணர்த்தும் கதை :

“சின்னச்சாமி… யாரோ மரத்தோரமா நிற்கிறாங்க… யாராய் இருக்கும்…. மாட்டு வண்டியை ஓட்டிக்கிட்டே அப்பா கேட்டார்.

“தெரியலப்பா…”
“இறங்கி யாருன்னு பாரு…”
“வாட்ட சாட்டமாய், கண்ணாடியும் அலைபேசியும் கையுமாய் சாலையோரத்தில் வண்டியுடன் ஒருவர் நின்றிருந்தார்.
“ஐயா… நீங்க…”
“வெளியூருப்பா… வண்டி நின்னு போச்சு….!”
“அப்படியா…. வண்டியத் தூக்கி மாட்டு வண்டியில வச்சுட்டு வாங்க மழை வர்ற மாதிரியிருக்கு ஊரு ரொம்ப தூரம்… வேற வண்டியும் வராது…”

அவர் உடையையும் உழைத்துக் களைத்த வியர்வை பொங்கிய உடலையும் பார்த்து வரலைன்னுட்டார். மூன்று நான்கு பேர்தான் வண்டியில் இருந்தோம்… சிறிது தூரம் போறதுக்குள்ள மழை கொட்டு கொட்டுன்னு கொட்டிருச்சு… நாங்க வீட்டுக்குப் போயிட்டோம்.

இரவுல தூங்கப் போறப்ப…. அப்பா சொன்னார். தம்பி… அந்த சூட்டுக்காரர் மழை தாங்காம நடந்திருக்காரு. தேங்கா விழுந்து மண்ட உடைஞ்சு… வேற யாரோ தூக்கிட்டு வந்திருக்காங்க. நம்ம ஊரு ஆசுபத்திரியில… கட்டுப் போட்டுக்கிட்டு இருந்தாங்க…. பாவம் படிச்சவரா இருக்காரு… சூழ்நிலை புரியாம… வரமாட்டேன்னு சொன்னாரு, இப்ப வேதனைப்படுகிறாரே

நூல் வெளி

    பி.ச. குப்புசாமி சிறுகதை ஆசிரியர்களுள் ஒருவர். இவர் தொடக்கப்பள்ளித் தலைமையாசிரியராகப் பணியாற்றி ஓய்வு பெற்றவர். ஜெயகாந்தனோடு நெருங்கிப்பழகி ஜெயகாந்தனோடு பல்லாண்டு என்னும் நூலை எழுதியுள்ளார். இவர் எழுதிய ஓர் ஆரம்பப்பள்ளி ஆசிரியனின் குறிப்புகள் என்னும் நூலிலிருந்து ஒரு பகுதி இங்குத் தரப்பட்டுள்ளது.

********THE END OF 4.4**************

4.5. வேற்றுமை

தெரிந்து தெளிவோம்

• சில இடங்களில் உருபுகளுக்குப் பதிலாக முழுச்சொற்களே வேற்றுமை உருபாக வருவதும் உண்டு. அவற்றைச் சொல்லுருபுகள் என்பர்.

• ஓவியர் தூரிகையால் ஓவியம் தீட்டினார். இதில் ஆல் என்பது வேற்றுமை உருபாக வந்துள்ளது.

• ஓவியர் தூரிகை கொண்டு ஓவியம் தீட்டினார். இதில் கொண்டு என்பது சொல்லுருபாக வந்துள்ளது.

இரண்டாம் வேற்றுமை

ஆக்கல், அழித்தல், அடைதல், நீத்தல், ஒத்தல், உடைமை ஆகிய ஆறு வகையான பொருள்களில் வரும்

• ஆக்கல் - கரிகாலன் கல்லணையைக் கட்டினான்

• அழித்தல் - பெரியார் மூடநம்பிக்கைகளை ஒழித்தார்

• அடைதல் - கோவலன் மதுரையை அடைந்தான்

• நீத்தல் - காமராசர் பதவியைத் துறந்தார்

• ஒத்தல் - தமிழ் நமக்கு உயிரைப் போன்றது

• உடைமை - வள்ளுவர் பெரும் புகழை உடையவர்

நான்காம் வேற்றுமை

    நான்காம் வேற்றுமைக்கு உரிய உருபு கு என்பதாகும். இது கொடை, பகை, நட்பு, தகுதி, அதுவாதல், பொருட்டு, முறை, எல்லை எனப் பல பொருள்களில் வரும்.

• கொடை - முல்லைக்குத் தேர் கொடுத்தான்.

• பகை - புகை மனிதனுக்குப் பகை.

• நட்பு - கபிலருக்கு நண்பர் பரணர்.

• தகுதி - கவிதைக்கு அழகு கற்பனை.

• அதுவாதல் – தயிருக்குப் பால் வாங்கினான்.

• பொருட்டு - தமிழ்வளர்ச்சிக்குப் பாடுபட்டார்.

• முறை - செங்குட்டுவனுக்குத் தம்பி இளங்கோ.

• எல்லை - தமிழ்நாட்டுக்குக் கிழக்கு வங்கக்கடல்.

ஐந்தாம் வேற்றுமை

இன், இல் ஆகியவை ஐந்தாம் வேற்றுமை உருபுகள் ஆகும். இவை நீங்கல், ஒப்பு, எல்லை, ஏது போன்ற பொருள்களில் வரும்.

• நீங்கல் - தலையின் இழிந்த மயிர்.
• ஒப்பு - பாம்பின் நிறம் ஒரு குட்டி.
• எல்லை -தமிழ்நாட்டின் கிழக்கு வங்கக்கடல்.
• ஏது - சிலேடை பாடுவதில் வல்லவர் காளமேகம்.

சரியான விடையைத் தேர்ந்தெடுத்து எழுதுக.

1. பெயர்ச்சொல்லின் பொருளை வேறுபடுத்துவது _________ ஆகும்.

1. எழுவாய்
2. செயப்படுபொருள்
3. பயனிலை
4. வேற்றுமை

விடை : வேற்றுமை

2. எட்டாம் வேற்றுமை ___________ வேற்றுமை என்று அழைக்கப்படுகிறது.

1. எழுவாய்
2. செயப்படுபொருள்
3. விளி
4. பயனிலை

விடை : விளி

3. உடனிகழ்ச்சிப் பொருளில் _____________ வேற்றுமை வரும். 

1. மூன்றாம்
2. நான்காம்
3. ஐந்தாம்
4. ஆறாம்

விடை : மூன்றாம்

4. ‘அறத்தான் வருவதே இன்பம்’ – இத்தொடரில் ________ வேற்றுமை பயின்று வந்துள்ளது.

1. இரண்டாம்
2. மூன்றாம்
3. ஆறாம்
4. ஏழாம்

விடை : மூன்றாம்

5. ‘மலர் பானையை வனைந்தாள்’ – இத்தொடர் ________ பொருளைக் குறிக்கிறது.

1. ஆக்கல்
2. அழித்தல்
3. கொடை
4. அடைதல்

விடை : ஆக்கல்

பொருத்துக.

1. மூன்றாம் வேற்றுமை – இராமனுக்குத் தம்பி இலக்குவன்.
2. நான்காம் வேற்றுமை – பாரியினது தேர்.
3. ஐந்தாம் வேற்றுமை – மண்ணால் குதிரை செய்தான்.
4. ஆறாம் வேற்றுமை – ஏவுதல் கலையில் சிறந்தவன் ஏகலைவன்.

விடை : 1 – இ, 2 – அ, 3 – ஈ, 4 – ஆ

சிறு வினா

1. எழுவாய் வேற்றுமையை விளக்குக.

• எழுவாயுடன் வேற்றுமை உருபுகள் எதுவும் இணையாமல் எழுவாய் தனித்து நின்று இயல்பான பொருளைத் தருவது எழுவாய் வேற்றுமை ஆகும்.
• முதல் வேற்றுமை என்றும் கூறுவர்.

(எ.கா.) பாவை வந்தாள்.

2. நான்காம் வேற்றுமை உணர்த்தும் பொருள்கள் யாவை?

• கொடை
• பகை
• நட்பு
• தகுதி
• அதுவாதல்
• பொருட்டு
• முறை
• எல்லை

3. உடனிகழ்ச்சிப் பொருள் என்றால் என்ன?

• வினை கொண்டு முடிகிற பொருளைத் தன்னிடத்தும் உடன் நிகழ்கிறதாக உடையது உடனிகழ்ச்சி ஆகும்.
• ஒடு, ஓடு ஆகிய மூன்றாம் வேற்றுமை உருபுகள் உடனிகழ்ச்சிப் பொருளில் வரும்
• சான்று
• தாயோடு குழந்தை சென்றது, அமைச்சரோடு அலுவலர்கள் சென்றனர்

வேற்றுமை – கூடுதல் வினாக்கள்

கோடிட்ட இடங்களை நிரப்புக

1. வேற்றுமை வகை _______________
விடை : எட்டு
2. இரண்டாம் வேற்றுமை உருபு __________
விடை : ஐ
3. __________________ வரும் வேற்றுமை ஆறாம் வேற்றுமை
விடை : உரிமைப் பொருளில்
4. தலையின் இழிந்த மயிர் இதில் இடம் பெறும் __________________ பொருள் நீங்கல்
விடை : ஐந்தாம் வேற்றுமை

சிறு வினா

1. வேற்றுமை என்றால் என்ன?

• பெயர்ச்சொல்லின் பொருளை வேறுபடுத்தும் முறைமையை வேற்றுமை என்பர்.

2. வேற்றுமை உருபுகள் என்றால் என்ன?

• பெயர்ச்சொல்லுடன் இணைக்கப்படும் அசைகைள வேற்றுமை உருபு என்பர்.

3. மூன்றாம் வேற்றுமைக்குரிய உரிய உருபுகள் யாவை?

• ஆல், ஆன், ஒடு, ஓடு

4. ஐந்தாம் வேற்றுமைக்குரிய உரிய உருபுகள் யாவை?

• இல், இன்

5. ஆறாம் வேற்றுமைக்குரிய உரிய உருபுகள் யாவை?

• அது, ஆது, அ

6. மூன்றாம் வேற்றுமை உருபு எவ்வெவ் பொருள்களில் வரும்?

• கருப்பொருள், கருத்தா பொருள்

7. சொல்லுருபுகள் என்றால் என்ன?

• சில இடங்களில் உறுப்புகளுக்கு பதிலாக முழு சொற்களே வருவது உண்டு. அவற்றைச் சொல்லுருபுகள் என்பர்.

8. ஐந்தாம் வேற்றுமையிலும், ஏழாம் வேற்றுமையிலும் வரும் உருபு எது?

• இல்

9. முதல் வேற்றுமை, எட்டாம் வேற்றுமை ஆகியவற்றின் வேறு பெயர்கள் யாவை?

• முதலாம் வேற்றுமையை எழுவாய் வேற்றுமை என்பர்
• எட்டாம் வேற்றுமையை விளி வேற்றுமை என்பர்

குறு வினா

வேற்றுமை எத்தனை வகைப்படும்?

• வேற்றுமை  எட்டு வகைப்படும்
• முதல் வேற்றுமை
• இரண்டாம் வேற்றுமை
• மூன்றாம் வேற்றுமை
• நான்காம் வேற்றுமை
• ஐந்தாம் வேற்றுமை
• ஆறாம் வேற்றுமை
• ஏழாம் வேற்றுமை
• எட்டாம் வேற்றுமை

மொழியை ஆள்வோம்!

கீழ்க்காண்பவற்றுள் ஒரு சொல்லை எடுத்து ஒன்றுக்கு மேற்பட்ட சொற்களுடன் இணைத்துப் புதிய சொற்களை உருவாக்குக.

• மா – மாவிலை, மாமரம், மாங்காய்
• தேன் – மலர்த்தேன், தேன்சிட்டு, தேன் கூடு
• மலர் – தேன்மலர்
• செம்மை – சேயிலை, செங்குருவி, செந்தேன்
• சிட்டு – சிட்டுக்குருவி, தேன்சிட்டு
• கனி – மாங்கனி, கனிமரம், தேன்கனி
• குருவி – சிட்டுக்குருவி, குருவிக்கூடு
• இலை – மாவிலை
• காய் – மாங்காய், காய்கனி
• கூடு – குருவிக்கூடு, தேன்கூடு
• முட்டை – குருவிமுட்டை
• மரம் – மாமரம், செம்மரம்

பின்வரும் தொடர்களில் உரிய இடங்களில் நிறுத்தக்குறிகளை இடுக.

1. பூக்கள் நிறைந்த இடம் சோலை ஆகும்

விடை : பூக்கள் நிறைந்த இடம் சோலை ஆகும்.

2. திருக்குறள் அறம் பொருள் இன்பம் என்னும் முப்பால் பகுப்பு கொண்டது

விடை : திருக்குறள் அறம், பொருள், இன்பம் என்னும் முப்பால் பகுப்பு கொண்டது.

3. தமிழ்மொழி செம்மையானது வலிமையானது இளமையானது

விடை : தமிழ்மொழி செம்மையானது, வலிமையானது, இளமையானது.

4. கபிலன் தன் தந்தையிடம் இன்று மாலை விளையாடப் போகட்டுமா என்று கேட்டான்

விடை : கபிலன், “தன் தந்தையிடம் இன்று மாலை விளையாடப் போகட்டுமா?” என்று கேட்டான்.

5. திரு.வி.க எழுதிய பெண்ணின் பெருமை என்னும் நூல் புகழ்பெற்றது

விடை : திரு.வி.க. எழுதிய ‘பெண்ணின் பெருமை’ என்னும் நூல் புகழ்பெற்றது.

பின்வரும் பத்தியில் உரிய இடங்களில் நிறுத்தக்குறிகளை இடுக.

நூல் பல கல் என்பர் பெரியோர் அறிவை வளர்க்கும் நூல்கள் அனைத்தையும் நம்மால் விலை கொடுத்து வாங்க முடியுமா முடியாது நூலகங்கள் இக்குறையை நீக்க உதவுகின்றன பல்வேறு துறைகளைச் சேர்ந்த அனைத்து நூல்களும் நிறைந்த இடம் நூலகம் ஆகும். நூலகத்தின் வகைகளாவன மையநூலகம் மாவட்ட நூலகம் கிளை நூலகம் ஊர்ப்புற நூலகம் எனக்குப் பிடித்த நூல்களுடன் வாழ்நாள் முழுவதும் சிறையில் அடைத்தாலும் மகிழ்ச்சியடைவேன் என்றார் நேரு ஆகவே நூலகத்தின் பயன் அறிவோம் அறிவு வளம் பெறுவோம்

விடை :-  

• ‘நூல் பல கல்’ என்பர் பெரியோர். அறிவை வளர்க்கும் நூல்கள் அனைத்தையும் நம்மால் விலை கொடுத்து வாங்க முடியுமா? முடியாது. நூலகங்கள் இக்குறையை நீக்க உதவுகின்றன. பல்வேறு துறைகளைச் சேர்ந்த அனைத்து நூல்களும் நிறைந்த இடம் நூலகம் ஆகும். நூலகத்தின் வகைகளாவன மையநூலகம், மாவட்ட நூலகம், கிளை நூலகம், ஊர்ப்புற நூலகம். ‘எனக்குப் பிடித்த நூல்களுடன் வாழ்நாள் முழுவதும் சிறையில் அடைத்தாலும் மகிழ்ச்சியடைவேன்’ என்றார் நேரு. ஆகவே, நூலகத்தின் பயன் அறிவோம்! அறிவு வளம் பெறுவோம்!

கீழ்க்காணும் விளம்பரத்தைப் படித்து வினாக்களுக்கு விடை எழுதுக.

1. எந்த நாளை முன்னிட்டுப் புத்தகக் கண்காட்சி நடத்தப்படுகிறது?

உலக புத்தக நாள்

2. புத்தகக் கண்காட்சி எங்கு நடைபெறுகிறது?

இராயப்பேட்டை ஒய்.எம்.சி.ஏ. மைதானம்

3. புத்தகக் கண்காட்சி எத்தனை நாள்கள் நடைபெறுகிறது?

11 நாட்கள் (ஏப்ரல் 13 முதல் ஏப்ரல் 23 வரை)

4. புத்தகக் கண்காட்சிக்கான நுழைவுக் கட்டணம் எவ்வளவு?

நுழைவு கட்டணம் இல்லை

5. புத்தகம் வாங்குவோருக்கு வழங்கப்படும் சலுகை யாது?

10% கழிவு

மொழியோடு விளையாடு

கீழ்க்காணும் வினாக்களுக்கு விடைகளைக் கட்டத்தில் நிரப்புக. வட்டத்தில் சிக்கிய எழுத்துகளை எடுத்து எழுதுக. எழுத்துகளை முறைப்படுத்திக் கல்வி பற்றிய பழமொழியைக் கண்டறிக.

1. திரைப்படப் பாடலாசிரியர் சோமுவின் ஊர்.

ஆ ல ங் கு டி

2. கேடில் விழுச்செல்வம் ____.

க ல் வி

3. குமர குருபரர் எழுதிய நூல்களுள் ஒன்று.

நீ தி நெ றி வி ள க் க ம்

4. ‘கலன்’ என்னும் சொல்லின் பொருள்.

அ ணி க ல ன்

5. ஏட்டுக்கல்வியுடன் ________ கல்வியும் பயில வேண்டும்.

இ ய ற் கை

6. திரு.வி.க. எழுதிய நூல்களுள் ஒன்று.

உ ரி மை வே ட் கை

7. மா + பழம் என்பது _____ விகாரம்.

தோ ன் ற ல்

கட்டத்தில் சிக்கிய எழுத்துகள்

ஆ ல் றி அ ற் வே ற

பழமொழி : அறிவே ஆற்றல்

நிற்க அதற்குத் தக….

• கலைச்சொல் அறிவோம்
• நிறுத்தக்குறி – Punctuation
• மொழிபெயர்ப்பு – Translation
• அணிகலன் – Ornament
• விழிப்புணர்வு – Awareness
• திறமை – Talent
• சீர்திருத்தம் – Reform

கூடுதல் வினாக்கள்

நீரப்புக.

1. பெயர்ச்சொல்லுடன் இணைக்கப்படும் அசைகள் ……………….. ஆகும்.
2. வேற்றுமை ……………….. வகைப்படும்.
3. முதல் வேற்றுமைக்கும் எட்டாம் வேற்றுமைக்கும் …………….. இல்லை.
4. முதல் வேற்றுமையை …………………. என்றும் கூறுவர்.
5. எட்டாம் வேற்றுமையை …………………. என்றும் கூறுவர்.
6. இரண்டாம் வேற்றுமையைச் ……………………. வேற்றுமை என்றும் கூறுவர்.
7. கருவிப் பொருள், கருத்தாப்பொருள் ஆகிய இரண்டு வகையான பொருள்களில் வரும் வேற்றுமை …………………
8. ஆக’ என்னும் அசை சேர்ந்து வரும் வேற்றுமை …………………… வேற்றுமை.
9. உடனிகழ்ச்சிப் பொருளில் வரும் மூன்றாம் வேற்றுமை உருபுகள் ……………….
10. கிழமைப்பொருளில் வரும் வேற்றுமை ………………… வேற்றுமை.

Answer:

1. வேற்றுமை உருபுகள்
2. எட்டு
3. உருபுகள்
4. எழுவாய் வேற்றுமை
5. விளிவேற்றுமை
6. செயப்படுபொருள்
7. மூன்றாம் வேற்றுமை
8. நான்காம்
9. ஒடு, ஓடு
10. ஆறாம்

விடையளி :

1.வேற்றுமை என்பது யாது?

• பெயர்ச்சொல்லின் பொருளை வேறுபடுத்தும் முறை வேற்றுமை எனப்படும்.

2.வேற்றுமை எத்தனை வகைப்படும்? அவை யாவை?

• வேற்றுமை எட்டு வகைப்படும். அவை முதல் வேற்றுமை, இரண்டாம் வேற்றுமை, மூன்றாம் வேற்றுமை, நான்காம் வேற்றுமை, ஐந்தாம் வேற்றுமை, ஆறாம் வேற்றுமை, ஏழாம் வேற்றுமை, எட்டாம் வேற்றுமை.

3.முதல் வேற்றுமை – விளக்குக.

• எழுவாயுடன் வேற்றுமை உருபுகள் எதுவும் இணையாமல் எழுவாய் தனித்து நின்று இயல்பான பொருளைத் தருவது முதல் வேற்றுமை ஆகும்.
• முதல் வேற்றுமை எழுவாய் வேற்றுமை என்றும் அழைக்கப்படும்.

எ.கா. பாவை வந்தாள்.

4.இரண்டாம் வேற்றுமை உருபு யாது? இரண்டாம் வேற்றுமையை விளக்குக.

• இரண்டாம் வேற்றுமை உருபு ‘ஐ’.
• இது ஒரு பெயரைச் செயப்படுபொருளாக வேறுபடுத்திக் காட்டும். அதனால் இதனைச் செயப்படுபொருள் வேற்றுமை என்றும் கூறுவர்.

எ.கா. – கபிலர் பரணரைப் புகழ்ந்தார்.

5.இரண்டாம் வேற்றுமை எவ்வெவப் பொருள்களில் வரும்?

இரண்டாம் வேற்றுமை ஆக்கல், அழித்தல், அடைதல், நீத்தல், ஒத்தல், உடைமை ஆகிய ஆறுவகையான பொருள்களில் வரும்.

6.இரண்டாம் வேற்றுமை உருபு – சான்றுகள் தருக.

• ஆக்கல் – கரிகாலன் கல்லணையைக் கட்டினான்.
• அழித்தல் – பெரியார் மூட நம்பிக்கைகளை ஒழித்தார்.
• அடைதல் – கோவலன் மதுரையை அடைந்தான்.
• நீத்தல் – காமராசர் பதவியைத் துறந்தார்.
• ஒத்தல் – தமிழ் நமக்கு உயிரைப் போன்றது.
• உடைமை – வள்ளுவர் பெரும் புகழை உடையவர்.

7.மூன்றாம் வேற்றுமை உருபுகள் யாவை?

• மூன்றாம் வேற்றுமை உருபுகள் : ஆல், ஆன், ஒடு, ஓடு ஆகியவை.

8.கருத்தாப் பொருள் விளக்குக.

• கருத்தாப் பொருள் ஏவுதல் கருத்தா, இயற்றுதல் கருத்தா என இரு வகைப்படும்.
• ஏவுதல் கருத்தா – பிறரைச் செய்ய வைப்பது.

எ.கா. கரிகாலனால் கல்லணை கட்டப்பட்டது.

• இயற்றுதல் கருத்தா – தானே செய்வது.

எ.கா. சேக்கிழாரால் பெரிய புராணம் இயற்றப்பட்டது.

9.மூன்றாம் வேற்றுமை உருபுகளுக்கான எடுத்துக்காட்டுகள் தருக. .

• ஆல் – மரத்தால் சிலை செய்தான்.
• ஆன் – புறந்தூய்மை நீரான் அமையும்.
• ஒடு – தாயொடு குழந்தை சென்றது.
• ஓடு – அமைச்சரோடு அலுவலர்கள் சென்றனர்.

10.நான்காம் வேற்றுமை உருபு யாது? அது எவ்வெவப் பொருள்களில் வரும்?

• நான்காம் வேற்றுமை உருபு – கு.
• இது கொடை, பகை, நட்பு, தகுதி, அதுவதால், பொருட்டு, முறை, எல்லை ஆகிய பொருள்களில் வரும்.

11.ஐந்தாம் வேற்றுமை உருபுகள் யாவை? அவை எவ்வெவப் பொருள்களில் வரும்?

• ஐந்தாம் வேற்றுமை உருபுகள் இன், இல்.
• அவை நீங்கல், ஒப்பு, எல்லை , எது ஆகிய பொருள்களில் வரும்.